Për të kundërshtuar avancimin e Rusisë në Ukrainë, presidenti i SHBA-së Joe Biden po shqyrton dy masa kundërveprimi të reja: ndalimin e Kinës për të siguruar teknologji kyçe për Moskën dhe heqjen e kufizimeve të përdorimit të armëve amerikane kundrejt Rusisë. Lajmin e ka raportuar Washington Post.
Fakti që tashmë po merren në konsideratë nisma të tilla, tregon shqetësimin e rritur të administratës amerikane për cenueshmërinë e Ukrainës në fushën e betejës.
Foto: Kryeministri i Suedisë Ulf Kristersson dhe Volodymyr Zelensky
Suedia ka njoftuar për akordimin e një shume prej 1.16 miliardë euro për të mbështetur ushtrinë ukrainase në luftën kundër Rusisë, konfirmoi ministri suedez i Mbrojtjes, Pal Jonsson.
Midis ndihmave, ka edhe dy avionë zbulues Asc 890 që do t’i lejojnë Kievit të identifikojë raketat e lundrimit dhe dronët që afrohen, si dhe objektivat në tokë dhe në det”, theksoi Pal Jonson.
Njoftimi vjen ndërsa Presidenti ukrainas Volodymyr Zelensky është në një tur në Europë për të inkurajuar ndihmën ushtarake: dje ai mori një miliard furnizime nga Belgjika, e cila përfshin gjithashtu 30 avionë luftarakë F-16 që do të jepen nga viti aktual e deri në vitin 2028.
Foto: Aleksei Dyumin dhe Vladimir Putin
Kremlini ka njoftuar se Presidenti Vladimir Putin ka emëruar Aleksei Dyumin, këshilltarin e tij, ish-truprojën dhe ish-guvernatorin e Tulës, si sekretar të Këshillit të Shtetit, Rus. Lajmin e ka bërë të ditur agjencia e lajmeve Tass.
Pasi u rizgjodh për një mandat tjetër gjashtë-vjeçar në fillim të këtij viti, Putin emëroi Dyumin si ndihmës specialist të tij në sektorin e mbrojtjes, ndërsa Kremlini kishte parashikuar tashmë poste të tjera për të.
Mëngjesin e sotëm, në faqen e Kremlinit u publikua dekreti i nënshkruar nga Putin për emërimin e tij në postin e ri të Këshillit të Shtetit.
Foto: Ushtarë ukrainas
Ministrja e Jashtme kanadeze, Melanie Jolie, tha se Otava nuk kishte vendosur asnjë kufizim në përdorimin e armëve të saj në Ukrainë. Lajmin e raporton Rbc Ukraine.
“Rusia nuk ka vija të kuqe, kështu që ne duhet të sigurohemi që kur bëhet fjalë për mbrojtjen e Ukrainës, ne jemi të gatshëm t'i ndihmojmë dhe të tregojmë se, pavarësisht nga ajo që po ndodh, ne jemi në anën e tyre dhe Kanadaja nuk ka kufizime në furnizimin e Ukrainës me armë, dhe për këtë arsye ne do të vazhdojmë të punojmë me Forcat e Armatosura të Ukrainës”, tha ajo.
Nga ana tjetër edhe Finlanda ka deklaruar se Kievi mund të sulmojë Rusinë me armët e tyre.
"Finlanda nuk ka vendosur ndonjë kufizim të veçantë për ndihmën e saj për Ukrainën, por supozon se armët do të përdoren në përputhje me ligjin ndërkombëtar. Rusia po zhvillon një luftë të paligjshme agresioni në Ukrainë dhe Ukraina ka të drejtën e vetëmbrojtjes sipas nenit 51 të Kartës së OKB-së. Këtu përfshihen edhe sulmet kundër objektivave ushtarake në territorin e sulmuesit që janë të nevojshme për vetëmbrojtje”, tha Ministrja e Jashtme Elina Valtonen.
Lajme të tjera
-
Lufta/ Rusia kryen sulm masiv ndaj infrastrukturës energjetike të Ukrainës
28 Nëntor, 08:03 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
E akuzon për spiunazh, Rusia dëbon diplomatin britanik
26 Nëntor, 15:33 -
NATO dhe Ukraina takohen lidhur me raketën e re ruse
26 Nëntor, 08:23 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Lufta/ Media franceze: Londra dhe Parisi po rishqyrtojnë mundësinë e dërgimit të trupave në Ukrainë
25 Nëntor, 07:59
