Zona e Dumresë njihet për prodhimin e vajt të ullirit cilësor. Prodhuesit e vajt si dhe ata të ullirit ankohen çdo ditë e më shumë për çmimin e ulët të shitjes së vaj. 

Me dhjetëra ton vaj ulliri prodhohet në fabrikat e Belshit, por ka mbetur stok, pasi tregtarët e kërkojnë me çmim të ulët, 350 lek për litër. Fermerët kërkojnë ta shesin me 500 lek për litër, pasi kostot janë të larta.

“Vijnë tregtarët e kërkojnë me 350 ose me 400 lek për kg, po tallen me ne sepse po shitet vaj lulediellit me 420 lek/kg”.- tha fermeri. 

“Ne na ka mbetur vaj pa shitur se me këtë çmim skemi leverdi. Kemi harxhuar para për ta prodhuar, vetëm për punëtorët që vjelin paguajmë 2 000 lek/ ditën e punës, 1000 lek i do fabrika”, - thanë fermeret e Dumresë.

Në Belsh, nuk ka magazia dhe as treg shumice për ullinjtë dhe vajin e ullirit, ndaj shitjet janë sporadike në restorante apo tregtarë që vijnë nga rrethe të tjera.