POP 5

Lajmet më të lexuara të 5 minutave të fundit

Kronikë

Bie SHÇBA, më 4 mars votohet në Kuvend struktura e re që do të kontrollojë policët! Kreu i Agjencisë së Mikëqyrjes Policore do zgjidhet nga kryeministri

Në 4 mars pritet të votohet në Kuvend projektligji për Agjencinë e Mbikëqyrjes Policore, institucioni që pason SHÇBA-në në Ministrinë e Brendshme. Ky projektligj i jep më shumë kompetenca institucionit të ri, ndërsa emërimi i drejtUesit nuk do të bëhet nga ministri si tek SHÇBA, por direkt nga Kryeministri. AMP do të vijoj edhe vettingun në polici.

Nuk do të quhet më Shërbim për Çështjet e Brendshme por Agjenci e Mbikëqyrjes Policore në varësi të Ministrisë së Brendshme. Në dallim nga SHÇBA, drejtuesi i së cilës emërohet dhe shkarkohet direkt nga ministri i Brendshëm, drejtuesi i AMP bëhet direkt nga Kryeministri i vendit, dhe propozohet nga ministri.

Ky projektligj pritet të kaloj në disa komisione parlamentare, për t’u depozituar përfundimisht në Kuvend për votim në 4 mars.

Agjencia e Mbikëqyrjes Policore do të ketë dukshëm më shumë kompetenca se sa SHÇBA. Në  objektiv të saj do të jetë parandalimi, zbulimi dhe hetimi i shkeljeve administrative dhe veprave penale në Policinë e Shtetit, Gardën e Republikës dhe Shërbimin e Mbrojtjes nga Zjarri dhe Shpëtimi.

Agjencia do të ketë rol në inspektimin, shqyrtimin dhe trajtimin e ankesave, procesin e Vetingut në polici si dhe verifikimin e punonjësve mbi plotësimin e kushteve për pajisjen me certifikatë sigurie.

Aktualisht, vettingu në polici kryehet nga një organ i veçantë, siç është Komisioni i Jashtëm i Vlerësimit, por në vazhdimësi do të jetë Agjencia e Mbikëqyrjes Policore e cila do të kryej dhe përfundoj këtë proces, pas përfundimit të drejtuesve kryesor të Policisë së Shtetit.

AMP-ja do të ketë në bazë të saj edhe përdorimin e testit të poligrafit, i cili në vendin tonë është përdorur për kandidatët për drejtues dhe hetues të Byrosë Kombëtare të Hetimit.

Njësia e ekzaminimit të testit të poligrafit kryen procesin e ekzaminimit poligrafik për subjekte të saj si dhe të çdo subjekti tjetër, sipas kërkesave të institucioneve të tjera në përputhje me legjislacionin e tyre organik. SHÇBA, në organikën e saj nuk e ka patur testin e poligrafit.

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Karambolohen dy autoveturat në Korçë-Pogradec, plagosen 2 pasagjerët

Karambolohen dy autoveturat në Korçë-Pogradec, plagosen 2 pasagjerët

25 Dhjetor, 17:16