Bien aksidentet, më pak fatalitete në tre muajt e parë të këtij viti! Problem sjellja e drejtuesve të mjeteve

Bien aksidentet, më pak fatalitete në tre muajt e parë të këtij viti! Problem sjellja e drejtuesve të mjeteve

Foto ilustruese

Tre muajit e parë të këtij viti kanë rezultuar me rënie në numrit të aksidenteve rrugore. Sipas të dhënave të INSTAT, në tremujorin e parë të vitit 2022 numërohen 285 aksidente rrugore nga 323 aksidente të ndodhura në të njëjtën periudhë të një viti më parë, duke u ulur me 11,8 %.

Në muajin Mars 2022 numërohen 101 aksidente rrugore nga 119 aksidente të ndodhura në muajin Mars 2021, duke u ulur me 15,1 %, krahasuar me të njëjtën periudhë të një viti më parë. Po sipas të dhënave të INSTAT në muajin Mars 2022, numri i të aksidentuarve (të vrarë dhe të plagosur) është 145 persona nga 150 që ishte në të njëjtën muaj të një viti më parë.

'Në tremujorin e parë të vitit 2022, numri i të aksidentuarve është 392 persona nga 418 persona të aksidentuar në të njëjtën periudhë të një viti më parë. Në muajin Mars 2022, numri i të vdekurve nga aksidentet rrugore është 14 persona, nga 18 persona të vdekur në Mars 2021. Në tremujorin e parë të vitit 2022, numri i të vdekurve nga aksidentet rrugore është 46 persona nga 58 persona të vdekur në tremujorin e parë të vitit 2021.'- thuhet në të dhënat e INSTAT.

Aksidentet rrugore, në 93,1 % të rasteve, në muajin mars 2022, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup-mosha 25 - 34 vjeç, duke zënë 29,7 % të numrit të aksidenteve gjithsej.

'Aksidentet në këtë grup-moshë janë ulur me 3,2 %, krahasuar me të njëjtën periudhë të një viti më parë. Në tremujorin e parë të vitit 2022, aksidentet rrugore, në 12,6 % të rasteve, kanë ndodhur si pasojë e sjelljes së këmbësorit. Gjatë kësaj periudhe, numri i aksidenteve sipas sjelljes së këmbësorit është ulur me 43,8 %, krahasuar me të njëjtën periudhë të një viti më parë.’- vlerëson INSTAT.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Scutari: 22/04/2022 15:19

    Këta numërojnë vetëm aksidentet me pasoja!! Kodi penal ka nenin shkelje të rregullave të qarkullimit rrugor që i përfshin të gjitha! Sa janë raste të tilla?!

    Përgjigju
  • Sondazhi i ditës:

    A i përballoni dot pushimet e verës me rritjen e çmimeve?



×

Lajmi i fundit

John

Sot i vendosën eksploziv në garazhin e hotelit në Sarandë, historia përsëritet për drejtorin e FSDKSH- së! Një vit më parë tritol në tarracë