TIRANE - Sekretet e banorëve të shtëpisë së “Big Brother 6’ ka qenë motoja e kësaj jave, jo vetëm në media por dhe në diksutime të ndryshme. Cilat janë sekretet dhe kujt banori i përket secili sekret? Ka qenë pikërisht njëri prej banorëve, Anaidi, ai me syrin më vëzhgues i cili zbuloi sekretin e Elenës.

Sekret që kjo banore mbarte me fanatizëm në shtëpi prej pak ditësh, atë të sporteve marciale. E si mund t’i shpëtonte syrit të një gazetari si Anaidi një sekret i tillë. Anaidi e ka vëzhguar gjërë e gjatë këtë banore, në lëvizje, fjalë, mimikë ku është siguruar 100% për sekretin e saj e ku ka mundur të fitojë shumën e parave prej 150 mijë lekësh, në kasafortën e tij.

Kështu ka nisur mbrëmja e dytë e spektaklit të këtij reality shoë, ku banorët kanë rrëfyer mbi të gjitha se si ka kaluar java e parë e tyre. Ata janë mundurar të gjejnë sekretet e njëri tjetrit, kanë hamendësuar por vetëm, Anaidi ka qëlluar në shenjë.

E përveçse ka mundur të sigurojë një shumë parash nga ky sekret , për  Anaidin ka qenë një tjetër surprizë e pakëndshme. I parë si një lojtarë i fortë, ai është nominuar nga Arsimi duke u shpallur i nominuari i parë i përhershëm. Fakt ky që e ka mërzitur disi, por loja vijon.

Secili prej banorëve i pyetur nga Arbana se si kanë qenë këto ditë, janë përgjigjur shkurt dhe qartë, se padyshim ndihen  mirë dhe askush nuk dëshiron të lërë shtëpinë, duke u argëtuar me faktin e të qënurit karaktere të ndryshme.

Më pas spektakli i cili kishte premtuar mjaft surpriza dhe të papritura vijoi me provën e javës, e cila lidhej me lojën e binjakëve, Blendin dhe Andin të cilët janë ndërruar gjatë javës pa u vënë re nga banorët e tjerë e ndërsa misioni i tyre mbaroi pikërisht mbrëmë. Një penalitet ky i cili çoi në penalizim të banorëve dhe duke marrë një buxhet përgjysmë.

ETLEVA RRËFEN ME LOT NË SY HISTORINË E SAJ

Blendi dhe Andi largohen nga shtëpia dhe kjo bën që Altina të përlotet. Pak minuta më vonë, Arbana fton në dhomën e rrëfimit Etlevën. Etleva është një nga banorët më e re në moshë dhe ajo ka një histori shumë të dhimbshme për të treguar.

Etleva ka rrëfyer në dhomën e rrëfimit historinë e saj të dashurisë dhe tashmë edhe publiku njihet me të. Shfaqet një klip ku ajo tregon për dashurinë e saj të madhe, nga e cila i është dashur që të heqë dorë, sepse i dashuri i saj ka qenë në gjak.

Etleva është shprehur se “Kanuni” i ka dhënë fund dashurisë së saj. Eva tregon se familja e saj ka këmbëngulur që ajo të mos e vazhdonte më tej lidhjen prej frikës së gjakmarrjes. Pas disa vitesh ajo i jep fund lidhjes. Gjatë kohës që shfaqet klipi, Eva përlotet dhe më pas Arbana i kërkon që ajo të flasë se si ndjehet tani.

Eva rithekson se për të ka qeë një dashuri e madhe, por më tepër i vjen keq për babanë sepse e ka bërë të vuaj. Më pas shfaqet një tjetër klip ku Babai i Evës flet për të njëjtën histori dhe Eva përlotet përsëri sepse ai shpreh dashurinë e madhe që ka për të bijën.

Më pas Etleva kthehet në dhomën e ndenjes, por nuk tregon asgjë për atë që ka ndodhur në dhomën e rrëfimit, ndërsa në studio Psikologia Jorida Rustemi, flet për fenomenin e gjakmarrjes, që sipas saj është barazuar me Kanunin dhe sugjeron që të gjithë ta lexojnë Kanunin për të kuptuar realisht se çfarë është në të vërtetë.

PROVA E JAVËS: BINJAKËT S’JANË BANORË TË BB6


Ky është “Big Brother” me moton “asgjë s’është ashtu si duket”. Loja ka nisur që javën e parë për banorët. Ata nuk janë në dijeni, por në shtëpi kanë hyrë dy binjakë, Andi dhe Blendi, të cilët janë ndërruar me njëri-tjetrin, por banorët nuk e kanë kuptuar një gjë të tillë.

Big Brother ka vendosur që për ta kjo do të jetë prova e javës. Arbana thërret; Jonildën, Blendin, Ilirin, Joanën dhe anaidin që të jenë pjesë e provës. Altina, Olseni, Olta,Arsimi dhe Elona do të shkojnë në dhomën e gjumit, ndërsa të tjerët në dhomën e katit të dytë.

Grupi i parë i banorëve do të mbylli gojën me ngjitës, në mënyrë që të mos flasin dhe do të vendosen prapa disa telajove, nga ku do të duken vetëm fytyrat e tyre. Ndërsa grupi tjetër, nga dhoma e gjumit do të shohin nëpërmjet monitorëve dhe pasi të memorizojnë pamjet, do të gjejnë më pas ndryshimet mbi telajo.

Grupi i produksionit ndryshon telajot, ndërkohë që Blendi ndodhet në dhomën e rrëfimit dhe thirret që të vijë në sallon. Banorët që janë pjesë e lojës qeshin për disa minuta dhe Blendi largohet përsëri. Në sallon thirren banorët që ishin në dhomën e gjumit për të zbuluar ndryshimet.

Ata zbulojnë disa, por nuk arrijnë të gjejnë ndryshimin te Blendi. Më pas Blendi i vërtetë futet në sallon dhe aty vijnë të gjithë dhe tashmë prezantohen me Andin dhe Blendin e vërtetë.

Gjithashtu banorët njoftohen se ata janë pjesë e provës së javës, por ata këtë provë e kanë humbur dhe ata e kanë humbur. Ma pas lexohet zarfi i kuq që zbulon se Blendi dhe Andi nuk janë me të vërtetë banorë të BB6 dhe të dy pasi përshëndeten largohen nga shtëpia e BB.

BANORËT NOMINOJNË NJËRI – TJETRIN

I pari ka qenë Anaidi i cili u vendos në dhomën e sekreteve për të bërë nominimin e radhës. Ai ka përmendur emrin e Ilirit me 100% siguri. Ai nuk mundi ta gjente personin që e kish nominuar më herët kështu që mbeti i nominuari deri në fund të spektaklit.

E ndërsa deri në javën që vjen ai duhet ta gjëjë me domozdo atë që e ka nominuar për të fituar paratë. Misionin e gjetjes së personit Anaidi e ka marë shumë serizosht dhe u zotua ta gjejë. Deri atëherë duhet të presim. Më pas Arbana ka thirrur me radhë banorët të cilët kanë bërë nominimet e tyre. Banorët e nominuar janë Anaidi, Marselino,Elena, Olseni, Joana, Etleva dhe Shpendi.
 
PSIKOLOGIA RUSTEMI NË ROLIN E PANELISTES

Fillë pas Arjan Konomit, analisti i cili komenton dhe sjelljen e banorëve të këtij spektakli, brenda shtëpisë, tanimë prej vitesh, është zbuluar dhe panelistja e dytë. Jorida Rustemi ka qenë e ftuara e dytë e panelit e cila ka komentuar sjelljen dhe sekretet e banorëve. Jorida e ka konsideruar një lojë të vështirë dhe e ka shpjeguar në mënyrë psikologjike mbartjen e sekreteve, shpjegimin dhe zbulimin e tyre nga vetë banorët.

DEBATI MARSELINI-JOANA: JOANA “JE HIPOKRIT”

Vetëm para pak orësh së spektakli të fillonte banorët kanë debatuar me njëri – tjetrin. Banorët shkojnë të gjithë në dhomën e gjumit dhe fillojnë të përgatiten për fillimin e spektaklit. Gjatë kësaj kohe ata bisedojnë dhe shkëmbejnë biseda të ndryshme dhe të ngacmohen me njëri-tjetrin.

Joana pyet Marselinin se sa vjeç është bashkëshortja e tij dhe ai i përgjigjet “15”. Kjo përgjigje bën që Joanës t’i ngelë hatri dhe i thotë se ai u tall me këtë përgjigje, por ajo nuk lejon askënd që të tallet me të. kështu midis tyre nis një debat që sa vjen e merr tone më të ashpra.

Marselini i thotë Joanës se ajo është shumë e stresuar dhe e ironizon. Joana nga ana tjetër nervozohet dhe fillon të ngrejë zërin duke përdorur ofendime dhe fjalë banale në adresë të Marselinit. “Ti je hipokrit” i thotë Joana Marselinit, ndërsa ai duket më i qetë dhe i flet me ironi dhe më pas i thotë “je femër banale”.Në dhomë ndodhen edhe banorë të tjerë të cilët mundohen që t’i qetësojnë, ndërkohë që kanë filluar që të përgatiten për spektaklin.

PREZANTUESJA

Fansat komentojnë veshjen e Arbanës

Ajo çka nuk ka mbetur pa u komentuar ka qenë pikërisht veshja e Arbanës. Ajo u shfaq mbrëmë me një model flokësh të gjatë të bukur dhe me onde. Hyrja e furishme e Arbanës së skenë, u shoqërua gjithashtu me komentet e javës mbi shtatzaninë e saj.

Ajo që binte në sy ishte fustani i saj i zi shumë i shkurtër dhe me një dekolte të theksuar ku lejonte të shfaqej gjoksi i Arbanës. Fustan ky që bënte që Arbana të dukeje dhe më shëndetshme se më parë.

Veshje kjo që nxiti komentet e shumtë të fansave në rrjete të ndryshme sociale, ku ato dhanë vlerësimet përkatëse të tyre. E kuptohet kur bëhet fjalë për vlerësime priten të dyja anët e medaljes. E ndërsa nuk mbetën pa rënë në sy dhe këpucët e Arbanës të kuqe dhe me majë të hollë fine, përshtatur një spektakli të tillë.

Shkrimi u botua në gazetën Shqiptarja.com (print) 03.02.2013

Redaksia Online
(b.m/shqiptarja.com)