'Big Brother' Balla: Shumë shpejt 200 km e parë do monitorohen me kamera e radarë, në rrugë s'do ketë patrulla policie

‘Shumë shpejt do të kemi të mundur 200 km e para të rrugëve kryesore të vendit të monitoruara kryesisht me kamera e radarë.’ E deklaroi ministri i Brendshëm Taulant Balla sot (11 prill 2024) në një aktivitet të titulluar "Promovimi i Udhëzimit të Shkollave të Sigurta"

Kush është synimi?

“Këta 200 km janë më të frekuentuarat. Të mos kemi postblloqet që në shumë raste nuk janë gjëja më e mirë por krahasuar me standardet europiane tregon mungesë të zhvillimit’ tha më tej Balla.

Ky është pjesë e një projekti që synon monitorimin me kamera të të gjitha rrugëve dhe rrugicave afër shkollave në qytetet kryesore të vendit. Për këtë ministri i Brendshëm tha se po punohet për të gjetur financimin me donatorët e huaj.

“Jemi duke diskutuar me partner për të siguruar financimin e një projekti të madh. Pajisje me kamera të 19 qyteteve më të mëdha të vendit, si fazë e parë me një focus të vecantë rrugët dhe rrugicat në shkollë. Dikush mund ta quajë Big Brother të madh por për mua dhe kryeministrin Rama është dimension i rëndësishëm i garantimit të sigurisë që bashkëshoqërohet me mirëadministrim të forcës policore për të shkuar në një nivel tjetër, atë të largimit të policisë nga rrugët. Për ta zëvendësuar rolin e policisë nga kamerat e radarët që garantojnë nivel më të lartë sigurie" tha Balla.

Sa i takon sigurisë së nxënësve në shkolla paraqitet dhe një prioritet tjetër.

“Synimi ynë është mbyllja e përhershme e çdo njësie tregtare që synon të shesë produkte që nuk plotësojnë standardet apo janë të skaduara tek fëmijët në perimetrin e sigurisë së shkollave” paralajmëroi ministri i Brendshëm.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord që personat e së njëjtës gjini të martohen ligjërisht?



×

Lajmi i fundit

Pranimi në KiE ‘mund ta ketë fatin si liberalizimi i vizave’

Pranimi në KiE ‘mund ta ketë fatin si liberalizimi i vizave’