POP 5

Lajmet më të lexuara të 5 minutave të fundit

Kronikë

Bilanc tragjik: 73 aksidente me 15 të vdekur në 13 ditët e para të muajit gusht

Aksidentet kanë shënuar një bilanc tragjik në vendin tonë, ku vetëm në 13 ditët e para të gushtit janë regjistruar 73 të tilla duke shkaktuar 15 viktima.

Rrugët e vendit janë përgjakur sërish kjo për shkak të ngjarjeve rrugore të regjistruara në muajin Gusht. Kështu në 13 ditët e para të këtij muaji në të gjithë vendin janë regjistruar 73 aksidente ku fatkeqësisht janë shënuar 15 viktima.

Shkak për regjistrimin e këtyre shifrave është bërë sërish sjellja e papërgjegjshme e shoferëve që pavarësisht kontrolleve të shtuara nga ana e policisë rrugore vijojnë të mos respektojnë normat e sjelljes në rrugë. 

Kjo tablo e rëndë vjen në një kohë kur masat ndëshkuese nga ana e uniformave blu janë shtuar sidomos për shkelje, si parakalimet e gabuara dhe shpejtësia tej normave të lejuara. Kështu vetëm nga kontrollet e ushtruara këtë të enjte në gjithë vendin u ndëshkuan 561 shoferë për parakalime të gabuara, 479 për përdorim të celularit dhe 235 për mos vendosje të rripit të sigurimit.

Më problematike situata paraqitet në zonat bregdetare dhe akset lidhëse me to ku sipas policisë lëvizja e automjeteve është e shtuar kjo edhe për shkak të turistëve që vizitojnë vendin gjatë sezonit veror.

Ndërkohë problem shqetësues  vijon të mbetet konsumimi i alkoolit nga ana e shoferëve që gjatë sezonit veror ka një tendencë në rritje, shkelje kjo që ka çuar në pranga një numër të lartë drejtuesish automjetesh.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hasan Pordha: 13/08/2020 18:56

    Po shuhet ky popull 51 viktima termeti te tjeret po humbasin jeten sa nga aksidentet rrugore nga vrasjet e tani se fundmi nga koronavirusi Covid-19

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Dosja 'Babale', gjyqi në Gjykatën e Apelit, Salianji dhe avokati i tij mungojnë për arsye shëndetësore

Dosja 'Babale', gjyqi në Gjykatën e Apelit, Salianji dhe avokati i tij mungojnë për arsye shëndetësore

24 Prill, 10:27