Bilanci 2015, OSHEE: 65.7 mln lekë
akrëktime, humbjet u ulën në 31.3 %

TIRANE - Njëzet e shtatë miliardë lekë më shumë janë arkëtuar nga Operatori i Shpërndarjes së Energjisë Elektrike gjatë vitit 2015, krahasuar me arkëtimet e 2013-ës. Në një bilanc të të dhënave për vitin 2015, OSHEE konstaton rritje të arkëtimeve dhe ulje rekord të humbjeve, në masën 31.3 %.
 
Për vitin 2015 janë arkëtuar në total 65,7 miliard lekësh ndërsa në vitin 2014 ishin arkëtuar 49,7 miliard lekë dhe në vitin 2013 vetëm 38,3 miliard.
 
Niveli i humbjeve për vitin 2015 u ul në 31.3%. Një vit më parë ato ishin 37.8% ndërsa në vitin 2013 arrinin në 45%.
 
" Në vitin 2013 rezultati financiar ishte negativ 27 miliard lekë ndërsa në vitin 2014 negativ 4,5 miliard lekë. Nga të dhënat paraprake, bilanci i OSHEE për vitin 2015 del pozitiv me 14,9 miliard lekë. Lidhjet e reja, si një tjetër tregues i rikthimit të ligjshmërisë në konsumin e energjisë elektrike u rritën me 34% në raport me një vit më parë ndërsa u instaluan 34 mijë matësa", thuhet në një njoftim zyrtar të OSHEE-së.
 
Ky rezultat financiar pozitiv i ka krijuar mundësinë OSHEE-së që të rrisë inevstimet për përmirësimin e rrjetit të shpërndarjes. Investimet për vitin 2016 planifikohen të jenë 12 miliardë lekë.
 
"Gjatë vitit 2015 investimet ishin 7.5 miliardë lekë me fonde të OSHEE, lekë për kryerjen e investimeve ndërsa gjatë vitit 2016 me fondet e OSHEE por dhe ato të projektet të Bankës Botërore për rimëkëmbjen e sektorit energjetik planifikohet të investohen deri në 12 miliardë lekë (7.7 miliardë nga OSHEE dhe pjesa tjetër nga donatori), - theksohet në njoftimin e OSHEE.


 
OSHEE sqaron se në shifrën e totalit të arkëtimeve për të tre vitet e marra në krahasim përfshihen të ardhurat nga shitja e energjisë, nga kamatëvonesat, nga lidhjet e reja, të ardhura të tjera në llogaritë bankare përfshirë dhe TVSH.

Redaksia Online
(Gre.M/Shqiptarja.com)