POP 5

Lajmet më të lexuara të 5 minutave të fundit

Kronikë

Bilanci i OFL në 11 muaj/ 589 të skeduar e 1550 pasuri nën sekuestro! GJKKO 11 vendime për konfiskime, nga 120 që i janë kërkuar

Duke filluar nga data 1 janar nuk do të shpërndahen më formularë të Operacionit Forca e Ligjit, por hetimi për formularët që tashmë janë dërguar pritet të vijojë. Që nga fillimi OFL ka dërguar 589 formularë tek eksponentët e krimit, ndërsa deri tani me vendim të Gjykatës së Posaçme janë dhënë vetëm 11 vendime konfiskime pasurish.

Operacioni Forca e Ligjit, i nisur në muajin shkurt të këtij viti, pritet të finalizohet në datën 31 dhjetor, të paktën për sa i përket dërgimit të formularëve në drejtim të personazheve problematikë me të shkuar kriminale, të dënuar apo të akuzuar për krim të organizuar. OFL dërgoi formularët e parë të deklarimit të pasurive tek dy prej eksponentëve të njohur të krimit në Durrës dhe Elbasan. Përkatësisht Lulzim Berisha dhe Ardjan Çapja. Berisha njihet si truri i “Bandës së Durrësit”, organizatë kriminale përgjegjëse për disa krime të rënda në vend, e cila nisi aktivitetin e saj që prej vitit 1998. Çapja, pjesë e fisit të njohur dhe të skeduar për një sërë ngjarjesh kriminale të ndodhura në Elbasan. Ai u ka shpëtuar dy atentateve ku persona ende të paidentifikuar kanë tentuar ta eliminojnë. Ardian Çapja është akuzuar gjithashtu edhe për sulm me armë zjarri ndaj policisë në 2016-ën.

Më tej, Operacioni Forca e Ligjit vijoi me dërgimin e formularëve të një numri të konsiderueshëm subjektesh, ndërsa statistikat pas thuajse 11 muajsh flasin për 589 persona të skeduar që u ka shkuar formulari për deklarimin e pasurisë dhe në total më shumë se 1550 pasuri të sekuestruara. Deri tani, vetëm 120 çështje kanë përfunduar në Gjykatën e Posaçme për sekuestrimet. Me vendim të kësaj të fundit janë konfiskuar 11 pasuri, të cilat i kalojnë përfundimisht Agjencisë së Administrimit të Pasurive të Sekuestruara dhe të Konfiskuara, nga 56 pasuri të kërkuara për konfiskim nga SPAK dhe janë në proces konfiskimi 45 të tjera.

Pasuritë që janë konfiskuar deri në mes të muajit dhjetor, kur OFL është drejt mbylljes janë kryesisht automjete dhe më pak njësi tregtare shërbimi. Referuar të dhënave, me vendim të Gjykatës së Posaçme u janë kthyer në 9 raste pasuritë subjekteve, të cilat kanë rezultuar të përfituara nga të ardhura të pastra dhe jo nga aktivitete kriminale.

Në 31 dhjetor OFL pritet të dërgoj formularin e fundit në drejtim të subjekteve me të shkuar kriminale, që i bie edhe 13 ditë, por Akti Normativ pritet të pësoj ndryshime për sa i përket hetimit në SPAK dhe gjykimit në Gjykatën e Posaçme, duke e shtyrë përtej ditës së fundit të vitit 2020, për një afat të pacaktuar.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vlora: 18/12/2020 21:51

    Te gjitha rena se i kan leru te gjitha pronat

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58