POP 5

Lajmet më të lexuara të 5 minutave të fundit

Politikë

Bilanci i rindërtimit në Shijak pas tërmetit tragjik, Kryeministri Rama: Ringritja vazhdon

Kryeministri Rama përmes një postimi ka bërë një bilanc i asaj që po ndodh në zonën e Shijakut me procesin e rindërtimit pas tërmetit tragjik të 26 nëntorit të vitit të kaluar.

Bilanci i rindërtimit në Shijak pas tërmetit tragjik, Kryeministri Rama: Ringritja vazhdon

Kryeministri gjatë inspektimit të banesave të reja

Kryeministri Rama ka bërë sot një bilanc i asaj që po ndodh në zonën e Shijakut me procesin e rindërtimit pas tërmetit tragjik të 26 nëntorit të vitit të kaluar.  Rama shkruan se 24. 800 janë punëtorët e angazhuar në proces.

Sipas tij në Shijak deri më tani janë ndërtuar 1 shkollë, 24 pallate dhe 400 banesa individuale përfundojnë brenda vitit.

"24.800 PUNËTORË TË ANGAZHUAR PËR RINDËRTIMIN vijojnë papushim, pa të shtuna, pa të diela, pa orare e as lodhje, punën në çdo cep të zonës së prekur nga tërmeti, së bashku me të gjitha skuadrat e institucioneve qendrore e vendore, duke siguruar javë pas jave kthimin në banesa të reja individuale të familjeve në zonat rurale, paralelisht me progresin e përditshëm në zonat ku janë projektuar lagje të reja, brenda apo ngjitur me qytetet e goditura

Në Shijak:

• Ka përfunduar 1 shkollë dhe 2 të tjera përfundojnë brenda vitit 2020

• Nisin së shpejti edhe 3 shkolla e kopshte të tjera, nga të cilat 1 me fondet eq everisë shqiptare dhe 2 me fondet e donatorëve

• 400 banesa individuale përfundojnë brenda vitit dhe 67 të tjera brenda janarit 2021

• Nisin së shpejti edhe 200 banesat e fundit për këtë bashki

• Kanë përfunduar meremetimet për 24 pallate dhe vazhdon puna në 3 të fundit

• 1844 familje janë shërbyer me grante rikonstruksioni nga 100 mijë deri ne 500 mijë lekë, me një total prej 408,996,303 lekë

• 897 familje shërbehen me bonus qeraje prej muajit Dhjetor 2019 deri në kthimin në shtëpi", shkruan Kryeministri.

Kryeministri Rama ishte sot në Shijak ku pa nga afër shtëpitë e reja të 3 familjeve që ishin dëmtuar nga  tërmeti i 26 nëntorit. Në postimin në rrjetet sociale, teksa ka shpërndarë videon nga Shijaku, Kryeministri Rama shkruan se 58 familje të kësaj do ta festojnë Vitin e Ri në shtëpitë e reja.

Ditën e premte Kryeministri bëri bilancin e një viti nga procesi i rindërtimit për zonën e Durrësit, pas tërmetit tragjik të 26 nëntorit 2019, ku humbën jetën 51 persona. Në bilancin e një viti në zonën  e Durrësit, Rama thekson se janë rindërtuar nga e para me fondet e qeverisë shqiptare 5 shkolla e kopshte dhe 6 në ndërtim e sipër, ndërsa nisin së shpejti edhe 19 shkolla e kopshte të tjera, nga të cilat 3 me fondet e qeverisë shqiptare dhe 16 me fondet e donatorëve.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Butak: 30/11/2020 16:09

    O rama o mortje. Sa here del me tigrin me krah aq here me i pa besueshem je. Kokrra legenit paske qene.

    Përgjigju
    • Krokodili: 30/11/2020 21:37

      Hahahaha amon e ke pa si e ma koken ul ahmuti sa her dalin qe flasin neper kantiere

    • Tahir tarfyci: 30/11/2020 17:12

      Mbaje me shkum!!!!!!!!!!!!!!!!! Rama eshte CUB

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tentoi të vriste 47 vjeçarin në Fier, arrestohet pas 3 vitesh

Tentoi të vriste 47 vjeçarin në Fier, arrestohet pas 3 vitesh

24 Nëntor, 10:39