Biseda me Scholz, kryeministri Kurti: Folëm për dialogun me Serbinë, njohja reciproke duhet të jetë në qendër, jo në fund!

Në konferencën për mediat pas takimit me kancelarin Scholz, kryeministri i Kosovës, Albin Kurti tha se biseduan për dialogun me Serbinë.

"Kemi folur për dialogun me Serbinë, dialogu duhet të jetë i përqendruar me njohje reciproke. Pikëpamja e bindja jonë është që njohja reciproke duhet të jetë në qendër, jo në fund. Jemi të përqendruar për të pasur rezultate konkrete", tha Albin Kurti.

LEXO EDHE:
Këshilli i BE-së merr vendimin, u heq vizat serbëve të Kosovës që kanë pasaporta të Serbisë

Ndër të tjera foli për liberalizimin e voizave duke thënë se Kosova i ka plotësuar të gjitha kriteret, ndaj është radha e BE-së për të vijuar procesin. Për këtë ra dakord edhe Scholz duke thënë se Gjermania do ta mbështesë procesin e liberalizimit të vizave për Kosovën.

“Edhe dy muaj bëhen katër vite prej se Komisioni Evropian e ka rekomanduar liberalizimin e vizave për Kosovën për herë të dytë. Është koha të thuhet se mjaft është mjaft. Kjo çështje duhet të vendoset në Këshillin e BE-së pasi Kosova i ka kryer detyrat e shtëpisë, dhe është radhe që edhe BE të kryej detyrat e saj”, tha Kurti.

Kurti tha se Kosova do të aplikojë për anëtarësim në Këshillin e Evropës dhe partneritet me NATO-n.

Lajmi kryesor:

Takimi në Berlin/ Scholz: Dialogu të sjellë marrëveshje gjithëpërfshirëse! Kurti: Njohja reciproke duhet të jetë në qendër, jo në fund! Vuçiç: Nuk varet vetëm nga ne

TAG:
• gjermani
• Berlin
• Olaf Scholz
• Dialogu Kosovë Serbi
• kosove-serbi
• kosove