TIRANE - Bie poshtë një nga pikat më të fortë të mbrojtjes së guvernatorit të Bankës së Shqipërisë, Ardian Fullani, se ka qenë auditi i bankës që ka zbuluar vjedhjen e Thesari të Shtetit. Sipas burimeve të mirinformuara të “Shqiptarja.com” ka qenë vetë Ardian Bitraj i cili ka rrëfyer për vjedhjen që kishte bërë në Thesar tek krerët e Bankës së Shqipërisë, të cilët më pas për t’i paraprirë skandalit kanë vendosur që të denoncojnë vetë në prokurori punonjësin e tyre.

Por, ajo që është më tronditëse është fakti se Bitraj kur është pyetur në prokurori se pse është dorëzuar ka deklaruar: “U frikësova për jetën time pas vrasjes së mikut tim Artan Santo”.