POP 5

Lajmet më të lexuara të 5 minutave të fundit

Ekonomi

Biznesi kosovar: Mjaft me
patriotizëm folklorik me Shqipërinë

Prej më shumë se dy javësh, është rikthyer në doganën shqiptare, madje me çmim reference më të lartë se më të gjitha vendet e rajonit, referenca për produktin patate.
Biznesi kosovar: Mjaft me <br />patriotizëm folklorik me Shqipërinë
TIRANE - Prej më shumë se dy javësh, është rikthyer në doganën shqiptare, madje me çmim reference më të lartë se më të gjitha vendet e rajonit, referenca për produktin patate. Nëse me Serbinë çmimi i referencës së patates është 8 cent, me Malin e Zi 10 cent, apo me Maqedoninë 14 cent, me Shqipërinë ky produkt eksportohet me çmim reference 0.24 cent.

Sot, në Tiranë është organizuar një konferencë e përbashkët midis dhomave të tregtisë së të dy vendeve, ku biznesi kosovar ka shprehur shqetësimin për praktikat doganore diskriminuese të shtetit shqiptar nga produkteve nga Kosova. Kryetari i Odës Ekonomike të Kosovës, Safet Gërxhaliu, u shpreh se “duhet të avancojmë në marrëdhëniet tona tregtare, duke mos mbetur te patriotizmi folklorik”.

Sipas Gërxhaliut, vendet tona mbeten joserioze ndaj investitorëve të huaj, ndërkohë që vendet e rajonit po i mëshojnë thithjes së këtyre investimeve. “Dy vendet tona duhet të avancojnë në partneritet, pasi jemi në shekullin e 21-të dhe ky shekull është shekulli i ekonomisë, e jo i folklorizmit. Sipas tij, dëmi ekonomik që po i shkaktohet Kosovës nga mostrajtimi në mënyrën e duhur të produktit të patates kap vlerën e 2.5 milionë eurove.

Homologu i tij i Dhomës së Tregtisë të Tiranës, Nikolin Jaka, theksoi se problemet e krijuara nga vendosja e çmimeve të referencës nga pala shqiptare duhet të gjejnë zgjidhje të menjëhershme. Ai tha se këto probleme i janë paraqitur edhe ministrisë së Financave, por deri tani nuk është marrë asnjë përgjigje. “Megjithëse kemi një heshtje të politikës shqiptare dhe asaj kosovare, Dhomat e Tregtisë të të dy vendeve do të organizojnë forume biznesi, apo takime me drejtues të lartë të të dy vendeve, duke i thirrur ata në këto takime biznesi, në mënyrë që t;u jepet zgjidhje këtyre barrierave të krijuara artificialisht” , theksoi Jaka.

(gk/im/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Bisedë telefonike mes Putin dhe Erdogan, Kremlini: Në qendër të bisedës ishte rritja e tregtisë mes dy vendeve

Bisedë telefonike mes Putin dhe Erdogan, Kremlini: Në qendër të bisedës ishte rritja e tregtisë mes dy vendeve

24 Nëntor, 17:45