POP 5

Lajmet më të lexuara të 5 minutave të fundit

Ekonomi

Biznesi kundër draftit
të Bodes për tatimet

Dhoma e Tregtisë dhe Industrisë Tiranë është shprehur kundër ndryshimeve të fundit në ligjin Nr. 8438, datë 28.12.1998 ″Për Tatimin mbi të ardhurat”, të ndryshuar, për të cilat, me sa duket, qeveria nuk ka marrë mendimin e grupeve të interesit.
Biznesi kundër draftit <br />të Bodes për tatimet
TIRANE - Dhoma e Tregtisë dhe Industrisë Tiranë është shprehur kundër ndryshimeve të fundit në ligjin Nr. 8438, datë 28.12.1998 ″Për Tatimin mbi të ardhurat”, të ndryshuar, për të cilat, me sa duket, qeveria nuk ka marrë mendimin e grupeve të interesit. Ndërkohë, ajo kërkon nga qeveria pagesat e detyrimeve të saj ndaj kompanive private.

Nëpërmjet një deklarate të kreut të saj Nikolin Jaka, biznesi tiranas ka thënë se është kundërproduktiv ndryshimi, që synon ministria e Financave të bëjë në ligj, konkretish në nenin 30, sipas të cilit “Gjatë periudhës vijuese, tatimore, tatimpaguesi parapaguan, në llogarinë e organeve tatimore, këste tremujore të tatimit mbi fitimin, jo më vonë se data 15 e muajit janar, prill, korrik dhe tetor. Kur tatimpaguesi realizon fitim, këstet mund të paguhen në baza mujore, jo më vonë se data 15 e çdo muaji”.

Sipas biznesmenëve, miratimi i këtij ndryshimi të papritur për biznesin do të thotë parapagimi i të paktën trefish të shumës që shlyejnë sot çdo muaj për tatimin mbi fitimin. Njëkohësisht, duke mos njohur ende gjendjen përfundimtare të të ardhurave dhe shpenzimeve për tre muajt në vijim, parapagimi në çdo tre muaj i tatimfitimit përbën për ta një kosto shtesë, të palogjikshme, që do ta vendosë në shumë vështirësi financiare biznesin, në një kohë kur, për shkak të krizës në vendet e eurozonës, situata financiare edhe kështu është e pasigurt.

Nga ana tjetër, shumë kompani do të viheshin në pamundësi për të paraguar trefishin e shumës që shlyejnë sot për tatimfitimin dhe do të ketë shumë raste gjobash për mosshlyerje, gjë, e cila do të rëndojë edhe më shumë gjendjen financiare të kompanive, duke rritur edhe presionin psikologjik negativ mbi to.
Sipas Dhomës, parapagimi tremujor rrit në mënyrë artificiale krizën financiare brenda kompanive, referuar kushteve në të cilat sot po operon sipërmarrja shqiptare dhe rrezikon të kalojë në falimentim kompanitë.

Dhoma njofton se po harton platformën e saj që do t’ja paraqesë ministrisë së Financave për të likujduar ato kompani që shteti u ka borxhe. Për këtë, do të ishte e udhës që kjo ministri të gjejë formulën e bashkëpunimit me bankat e nivelit të dytë, për t’u bërë likuidimi nëpërmjet overdrafteve.

(gk/im/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57