Biznesi online ‘triumfon’ në pandemi! Agjentja e shitjeve: Qytetarët të pasigurt, shpenzojnë për ushqime dhe produkte higjienike

TIRANW- Pandemia COVID-19, nuk pati ndikim negativ në të gjithë kategoritë dhe llojet e bizneseve. Një prej tyre është tregtia online, e cila u konsiderua si zgjidhje për shumë biznese, për ti shpëtuar mbylljes dhe në rastin më të keq falimentit.

Sektori e-commerce apo tregtia online ka qenë një ndër sektorët më të favorizuar të gjithë fushave të tjera. Ky zhvillim ka ardhur në rritje shumë herë më të lartë se përpara pandemisë. Kjo rritje do të vazhdojë edhe në 2021 dhe kjo është e sigurt pasi tregtia tradicionale po kthen platformat e saj online dhe kjo do të sjellë një zhvillim të industrisë online”, sqaron agjentja e shitjeve online Pranvera Rrapushi

Pavarësisht ecurisë pozitive, pandemia ka ndikuar në sjelljen e qytetarëve të cilët si pasojë e pasigurisë kanë frenuar blerjet e shumta.

“Faktori i parë do të ishte papunësia, dhe rritja e papunësisë ndikon në uljen e shitjeve dhe faktori i dytë është pasiguria, duke qenë se duke mos ditur se çdo të ndodh njerëzit do të kursejnë. Gjatë pandemisë ndryshoi panorama e të bërit biznes duke qenë se kërkesa konsumatore kanë qenë tek gjërat e domosdoshme që kanë lidhje me shëndetin me familjen”, shprehet Rrapushi.

Përveç këtyre faktorëve edhe informaliteti ndikoi negativisht.

“Ka edhe informalitet dhe sigurisht që ai nuk është pozitiv pasi i bën klientin skeptik nuk dinë të zgjedhin se ku janë kompanitë serioze”, thotë ajo.

Por nga ana tjetër ka edhe nga ata biznese, kryesisht ato që drejtohen nga moshat mbi 50 vjeç që nuk e shohin si mundësi kthimin e aktivitetit të tyre në online.

I.K./r.k./Shqiptarja.com
  • Sondazhi i ditës:

    Aksidentet sjellin bilanc 'lufte' këtë fillimvit, a duhet të konsiderohen si vrasje rrugore?

Komento


×

Lajmi i fundit

John

Pas Dhomës së Deputetëve, qeveria Conte merr votëbesimin edhe në Senat