Bjellorusët sivjet në Eurovizion kanë një plan tjetër. Ndryshe nga herët tjera, ata duan të vijnë të zhveshur dhe me dy ujqër në skenë.
 
IVAN – këngëtari që përfaqëson sivjet Bjellorusinë në garën e madhe muzikore do të duhet të marrë leje nga Eurovizioni për të marrë kafshë në skenë, diçka që nuk ndodhë në këtë garë dhe është e ndaluar.
 
“Dua ta bëj një lidhje mes njeriut dhe kafshës, natyrës” ka thënë IVAN – emri i vërtetë i të cilit është Aleksandr Ivanov. “Help you fly” është kënga e tij për garën e sivjetme që mbahet në muajin maj në Stokholm të Suedisë, nga 10 deri me 14 maj.
 
Bjellorusia ka debutuar në Eurovizion në vitin 2004 dhe rezultati më i mirë ka qenë viti 2007 kur shteti është pozicionuar në vendin e gjashtë në finale.