Presidenti bjellorus, Aleksandre Lukashenko shkarkoi sot kryeministrin, Mihail Miasnikoviç në kontekstin e krizës ekonomike të shkaktuar nga rënia e rublës ruse.
 
Mihail Miasnikoviç, që kishte marrë funksionet në dhjetor 2010, u zëvendësua nga shefi i kabinetit të presidencës,  Andrei Kobiakov njoftoi presidenca Bjelloruse.
 
“Aleksandre Lukashenko e shqyrtoi çështjen për sa i përket kuadrove dhe emëroi Andrei Kobiakovin si kryeministër”, sipas një komunikate të publikuar në faqen e internetit të presidencës bjelloruse.
 
”Lukashenko shkarkoi gjithashtu shefin e Bankës Qendrore si dhe shumë përgjegjës të tjerë të lartë, përfshirë ministrat e Ekonomisë dhe Punëve të Brendshme”, sipas të njëjtit burim.
 
Ndonëse rubla bjelloruse nuk është zyrtarisht e lidhur me valutën ruse që po përballet me një zhvlerësim spektakolar kohët e fundit, Bjellorusia ka lidhje të forta ekonomike me Moskën dhe është shumë e ndjeshme ndaj çdo lloj tronditjeje në ekonominë ruse të goditur nga sanksionet perëndimore dhe rënia e çmimit të naftës./ATSH/
 
Redaksia Online
(a.h/shqiptarja.com)