POP 5

Lajmet më të lexuara të 5 minutave të fundit

Kronikë

Bleu vota për të bijën ish-kandidate e opozitës në Vorë, GJKKO dënon ish-kryeplakun e Bërxullës me 1 vit, por ia konverton në 80 orë punë

Agim Loci nuk do të bëjë burgim, por do e shlyejë me punë në komunitet brenda 6 muajve, do jetë ehde në shërbim prove. Akuza ndaj tij e ngritur nga SPAK ishte “korrupsion aktiv zgjedhor”. Procesi me gjykim të shkurtuar. Pagoi 10 mijë lekë një qytetar që të votonte për koalicionin Berisha-Meta në zgjedhjet lokale të 14 Majit 2023. E bija kandidonte si këshilltare

Bleu vota për të bijën ish-kandidate e opozitës në Vorë, GJKKO dënon ish-kryeplakun e Bërxullës me 1 vit, por ia konverton në 80 orë punë

Gjykata e Posaçme

Tiranë- Gjykata e Posaçme ka shpallur fajtor dhe dënuar sot (28 Tetor) ish-kryeplakun e Bërxullës në Tiranë, pasi akuzohej se kishte blerë vota në favor të të bijës së tij, ish-kandidate e opozitës në Vorë.

Agim Loci nuk do të bëjë burgim, por do e shlyejë me 80 orë pune në komunitet. Akuza ndaj tij e ngritur nga SPAK ishte korrupsion zgjedhor.

Bëhet fjalë për zgjedhjet lokale të 14 Majit 2023, ku vajza e ish-kryeplakut kandidonte për këshilltare, me koalicionin Berisha-Meta dhe Loci kishte paguar 10 mijë lekë një qytetar që të votonte për të. Më 25 Prill të këtij viti SPAK mbylli hetimet dhe dërgoi dosjen për gjykim.

Prokuroria e Posaçme kundër Korrupsionit dhe Krimit të Organizuar nisi hetimin me nr. 105 të vitit 2023, me të pandehur ish të zgjedhurin vendor Agim Loci, i akuzuar për kryerjen e veprës penale “korrupsioni aktiv në zgjedhje”, parashikuar nga neni 328 i Kodit Penal. Gjykimi u bë me procedurë të shkurtuar, pasi Loci pranoi aktet e dosjes së SPAK. Trupa gjykuese ishte e përbërë nga gjyqtarët Erjon Bani, Flojera Davidhi dhe Rudina Palloj.

Vendimi ishte dënimi me 1 vit burgim, por në zbatim të nenit 406 të Kodit të Procedurës Penale, iu ul një e treta e dënimit dhe përfundimisht u dhanë 8 muaj izolim.

Kurse në zbatim të Nenit 63 të Kodit Penal, GJKKO urdhëroi pezullimin e dënimit me burgim dhe konvertimin në 80 orë punë në interes publik, për një periudhë kohe prej 6 (gjashtë) muajsh dhe vendosjen nën Shërbim Prove gjatë kësaj kohe.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    12 Dhjetor, 16:05

    Berishës iu dha zyrtarisht nga gjykata vula e PD, a do të shtohen votat?

Lajme të tjera



×

Lajmi i fundit

Spahiu: SHBA do shpallin non grata ata që i bën presion Altin Dumanit dhe do i zgjasin mandatin si kryetar

Spahiu: SHBA do shpallin non grata ata që i bën presion Altin Dumanit dhe do i zgjasin mandatin si kryetar

12 Dhjetor, 21:37