Blinken: Izraeli po ndërmerr hapa të rëndësishëm për të mbrojtur civilët gjatë ofensivës në Gaza

Antony Blinken

Izraeli po ndërmerr "hapa të rëndësishëm" për të mbrojtur më mirë civilët gjatë ofensivës së tij në Gazën jugore. Kështu deklaroi sekretari amerikan i shtetit, Antony Blinken, në një intervistë ekskluzive të dhënë ditën e djeshme (6 Dhjetor) për programin King Charles të CNN. 

Shefi i diplomacisë amerikane la të kuptohet se forcat izraelite po e dëgjojnë thirrjen e tij për të vepruar ndryshe në këtë fazë të luftës me Hamasin sesa në Gazën veriore.

"Unë u thashë atyre shumë qartë kur isha atje, vetëm një javë më parë, se ne nuk mund të përsërisim në jug atë që ndodhi në veri për sa i përket dëmit të shkaktuar ndaj civilëve. Ne po shohim zona të përcaktuara qartë nga Izraeli si zona të sigurta, ku nuk do të ketë të shtëna apo forca të armatosura. Ne kemi parë përpjekje për të siguruar që njerëzit të dinë se duhet të lëvizin - dhe jo në të gjithë qytetin, por vetëm në lagje të caktuara. Kjo është mirë”, tha Blinken.

LEXO EDHE:
Frikë për acarimin e gjendjes pas sulmit izraelit në Jemen

Megjithatë, Blinken tha se duhet bërë më shumë, duke e quajtur numrin e madh të vdekjeve të civilëve në Rripin e Gazës të shkatërruar nga lufta "zemërthyese". 

Diplomati i lartë më pas bëri thirrje për krijimin e "korridoreve të sigurta" në mënyrë që civilët të mund të lëvizin "nga zonat që mund të jenë në rrezik në vendet ku ata do të jenë të sigurt" dhe nënvizoi nevojën që vende të tilla të kenë ushqim, ujë dhe ilaçe në dispozicion.

Lajmi kryesor:

Lufta/ Gaza, vritet djali i ministrit izraelit! Rritet bilanci, mbi 17 mijë palestinezë të vrarë që nga fillimi i luftës

S.S/Shqiptarja.com

TAG:
• lufta ne rripin e gazes
• sulmohet izraeli