Blinken: Kemi raporte të besueshme që rusët sulmojnë qëllimisht civilët në Ukrainë, konsiderohen krime lufte

Sekretari amerikan i Shtetit, Anthony Blinken tha të dielën se SHBA-të kanë "raporte shumë të besueshme të sulmeve të qëllimshme të ushtrisë ruse ndaj civilëve" në Ukrainë. Blinken tha se këto sulme konsiderohen krime lufte. Blinken tha se SHBA po i dokumenton të gjithë këto raporte dhe do të mbështesin të gjtha organizatat dhe institucionet që po hetojnë nëse po kryhen krime lufte.

“Jake, ne kemi parë raporte shumë të besueshme të sulmeve të qëllimshme ndaj civilëve që do të përbënin një krim lufte. Ne kemi parë raporte shumë të besueshme në lidhje me përdorimin e armëve të caktuara”, tha Blinken për gazetarin e CNN, Jake Tapper të CNN. “Dhe ajo që ne po bëjmë tani është dokumentimi i gjithë këtyre raporteve. Ndërsa organizatat dhe institucionet përkatëse hetojnë nëse janë kryer apo po kryhen krime lufte, ne mund të mbështesin çfarëdo që ata po bëjnë. Pra, tani ne po i shikojmë këto raporte. Ata janë shumë të besueshëm dhe ne po dokumentojmë gjithçka.”

LEXO EDHE:
Grupi rus Wagner pëson humbje të mëdha në Sahel të Afrikës

Pohimi i Blinken vjen pas komenteve të presidentit amerikan Joe Biden javën e kaluar se Rusia synonte qëllimisht civilët në sulmet ndaj Ukrainës. Sekretari i Përgjithshëm i NATO-s Jens Stoltenberg ka akuzuar gjithashtu Rusinë për përdorimin e municioneve thërrmuese dhe bombave vakum, armë që janë të ndaluara sipas ligjit ndërkombëtar. Kujtojmë që Ukraina ka paditur në Hagë Rusinë për krime lufte.

Lajmi kryesor:

Rusët bllokojnë celularët në centralin bërthamor të Zaporizhzhias, ekspertët ngrenë alarmin! Moska: Përfshirja e avionëve të fqinjëve në Ukrainë do konsiderohet luftë! Dështon evakuimi

SI.E./Shqiptarja.com

TAG:
• Rusi
• ukraine
• rusia sulmon ukrainen