POP 5

Lajmet më të lexuara të 5 minutave të fundit

Kosova & Rajoni

Blinken: Serbia e Kosova do të bëjnë kompromise të vështira! Beogradi të mbështesë Ukrainën kundër luftës së Rusisë

Në ditën kombëtare të Serbisë, sekretari Amerikan i Shtetit paralajmëroi kompromise të vështira mes Prishtinës dhe Beogradit, por sipas Antony Blinken përfitimet e qytetarëve të Ballkanit Perëndimor do të jenë të mëdha

Udhëheqësit e Serbisë dhe Kosovës do të bëjnë kompromise të vështira për të normalizuar marrëdhëniet ndërmjet Beogradit dhe Prishtinës, që do të sjellin siguri për qytetarët e Ballkanit Perëndimor, paralajmëron amerikan i Shtetit, Antony Blinken. Deklarata u bë në një letër drejtuar Serbisë me rastin e 15 shkurtit, Ditës së Shtetësisë.

“Jam i bindur se normalizimi i marrëdhënieve ndërmjet Serbisë dhe Kosovës, do të sjellë siguri dhe prosperitet për Serbinë dhe të gjithë qytetarët e Ballkanit Perëndimor. Sigurisht, liderët serbë dhe kosovarë do të bëjnë kompromise të vështira për t’i arritur këto qëllime, por shpërblimet për popullin serb dhe gjithë rajonin do të jenë të mëdha”.- tha Anthoni Blinken, sekretari i Shtetit.

Në letër Blinken thotë se SHBA vlerëson partneritetin strategjik që ka me Serbinë për të çuar përpara një të ardhme të qëndrueshme e të sigurt për mbarë Ballkanin Perëndimor.

Sekretari Blinken, ndër të tjera, tha se SHBA janë një mbështetës i fortë i ambicieve të Serbisë për anëtarësim në Bashkimin Evropian, si dhe përshëndeti angazhimin e Serbisë me zyrtarët e SHBA-së, BE-së, Francës, Gjermanisë dhe Italisë gjatë një vizite të fundit në Beograd”.

Blinken gjithashtu i bëri thirrje Beogradit të mbështesë Ukrainën kundër luftës së paprovokuar të Rusisë. Serbia është shteti i vetëm në Evropë që nuk i vendosi sanksione Moskës pas pushtimit të Ukrainës më 24 shkurt të vitit të kaluar.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22