Blinken takim me të rinjtë te Piramida: Kjo ndërtesë u rindërtua nga fondi shqiptaro-amerikan, simbol i marrëdhënieve SHBA-Shqipëri

 

Sekretari Amerikan i Shtetit Antony Blinken gjatë ndalesës së bëri në Piramidën e Tiranës, para të rinjve, ku takoi kryeministrin Edi Rama dhe Kryetarin e Bashkisë Erion Veliaj, u shpreh se ka ndjerë ngrohtësi në çdo vend ku ka shkelur në Tiranë. Duke u ndalur te rindërtimi i Piramidës së Tiranës, Blinken theksoi se sot ky vend është kthyer në një simbol të të ardhmes, ndërsa nënvizoi se në rrugët e kryeqytetit sot ka parë optimizëm për të ardhmen. 

“Nuk mund t’ju shpjegoj se sa mirënjohës jam. Kjo ndërtesë u rindërtua me investimin e fondit shqiptaro-amerikan”, tha Blinken.

LEXO EDHE:
Ylli Pata: Nga 'Rama ik', te 'Veliaj ik'

“Kanë thënë njerëz që kjo ndërtesë tregon rrugën e Shqipërisë që nga fundi i Luftës së Ftohtë ku ndërtimi u përfundua 35 vjet më parë, ndërtesa ju kushtua një diktatori që i çoi shqiptarët në kampet e përqëndrimit edhe përfaqësonte të kaluarën. Në atë kohë e vetmja marrëdhënie midis nesh ishte zëri në Zërin e Amerikës. Por sot shikoni rreth e rrotull, ky vend është mbushur me dritë e veprimtari, ka kafene, salla, inkubatore teknike, është një simbol i fuqishëm, i gjallë i të ardhmes dhe i të tashmes të marrëdhënieve midis SHBA dhe Shqipërisë ku shqiptarë mësojnë se si mund të jetojnë në SHBA. Kjo ndërtesë u rindërtua me investimin e Fondit Shqiptaro-Amerikan”, u shpreh Blinken.

 

Lajmi kryesor:

Sekretari Amerikan i Shtetit, Blinken viziton Tiranën: Mirënjohës për mikpritjen e afganëve! Rama, udhëheqës i shquar! Takon Dumanin e krerët e drejtësisë

B.K/Shqiptarja.com

TAG:
• erion veliaj
• holta zacaj
• Altin Dumani
• Blinken ne Tirane
• SHBA
• Antony Blinken
• edi rama