Blinken vizitë sot në Bruksel, takime me kryediplomatët e NATO-s, temë edhe stabiliteti rajonal i Ballkanit Perëndimor

Blinken vizitë sot në Bruksel, takime me kryediplomatët e NATO-s, temë edhe stabiliteti rajonal i Ballkanit Perëndimor

Antony Blinken

Sekretari Amerikan i Shtetit, Antony Blinken, do të udhëtojë në Bruksel sot (27 Nëntor) dhe do të qëndrojë deri më 29 nëntor për të marrë pjesë në takimin e Ministrave të Jashtëm të NATO-s, duke përfshirë takimin e parë të ministrave të jashtëm të Këshillit NATO-Ukrainë.

Departamenti Amerikan i Shtetit në njoftim ka bërë të ditur se Sekretari Blinken do të nënvizojë përkushtimin e palëkundur të NATO-s për luftën e Ukrainës kundër agresionit rus.

Blinken do të theksojë edhe përkrahjen e SHBA-së për demokracinë dhe stabilitetin rajonal të Ballkanit Perëndimor. Përveç këtyre temave, Blinken do të diskutojë prioritetet e Samitit të Washingtonit që do të mbahet në korrik të vitit 2024, raportojnë mediat e huaja.

“Sekretari i Shtetit Antony J. Blinken do të udhëtojë në Bruksel, Belgjikë nga 27-29 nëntor 2023 për të marrë pjesë në Takimin e Ministrave të Jashtëm të NATO-s, duke përfshirë takimin e parë të ministrave të jashtëm të Këshillit NATO-Ukrainë. Sekretari Blinken do të theksojë angazhimin e palëkundur të NATO-s ndaj Ukrainës në luftën e saj kundër agresionit rus, do të theksojë mbështetjen tonë për demokracinë dhe stabilitetin rajonal në Ballkanin Perëndimor dhe do të diskutojë prioritetet për Samitin e Uashingtonit në korrik 2024.”

Ky takim në NATO vjen pak ditë pas deklarimit të Sekretarit të Përgjithshëm të NATO-s, Jens Stoltenberg, për mundësinë e rritjes së përhershme të trupave në Kosovës.

 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi miraton ndërtime strategjike në zonat e mbrojtura, si e vlerësoni?



×

Lajmi i fundit

Erkand Qerimaj akuza të reja për Federatën e Peshëngritjes: S'më kanë regjistruar në Kupën e Botës, pikët vlejnë për Olimpiadën

Erkand Qerimaj akuza të reja për Federatën e Peshëngritjes: S'më kanë regjistruar në Kupën e Botës, pikët vlejnë për Olimpiadën