Bllokimi i 500 mijë eurove në portin e Durrësit, prokuroria nis letërporosi në Itali

Bllokimi i 500 mijë eurove në portin e Durrësit, prokuroria nis letërporosi në Itali

Andon Thanasi

Sekuestrimi i 498.850 euro në portin e Durrësit dhe më pas arrestimi i drejtuesit të kamionit Andon Thanasi, ka bërë që prokuroria e Durrësit, ti drejtohet me një letër-porosi autoriteteve italiane. Prokuroria, kërkon nga homologën e saj italianë, që ti ofrojnë informacion, për sa i përket intenerarit që ka përshkuar kamioni ku u gjet sasia e eurove në portin e Durrësit.

Prokuroria e Durrësit njëherësh nëpërmjet kësaj letër-porosie kërkon të njihet me informacion edhe për vendet se ku ka qëndruar shoferi i kamionit Andon Thanasi, dhe personat me të cilët është takuar.

Vetë shoferi i kamionit Andon Thanasi, nuk ka pranuar deri në këtë fazë të hetimit për të folur,duke treguar se do fliste në një moment të dytë dhe jo tani. Sasia e lekëve, rreth 500 mijë euro u sekuestruan të shtunën më 13 qershor 2020 në portin e Durrësit, në një kamion tip “Renault” që kishte ardhur me traget nga Bari.

Eurot ishin të ndara në 5 qese të fshehura në shasinë e kamionit me tragë targë TR 2046 U dhe me tragë trajleri TR 2048 U. Nga numërimi janë konstatuar se kanë qenë 498.850 euro. Kamioni kryente shpesh linjën Durrës-Bari dhe Bari-Durrës, dhe transportonte nga Italia drejt Shqipërisë materiale më lëndë të parë për fasoneritë, që shërbenin për të prodhuar këpucë.

Kamioni ka ardhur i mbushur me materiale të lëndës së parë për prodhimin e këpucëve nga Italia, ku në pjesën e poshtme ne shasinë e mjetit ishin fshehur dhe paratë, për të cilat, referuar dëshmisë së parë të 54-vjeçarit ai tha se nuk ka asnjë lidhje me paratë, është thjesht shoferi i kamionit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet