Bllokimi i anijes në Libi,MEPJ:
Shqiptarët do të riatdhesohen

 5 marinarët shqiptarë të cilët u ndaluan në Libi janë mirë dhe nuk kanë patur probleme.  

Lajmi konfirmohet nga Ministria për Europën dhe Punët e Jashtme shqiptare e cila përmes një njoftimi  shprehet se ka komunikuar me ta dhe se po vijon  punën në të gjitha drejtimet  për zgjidhjen e situatës së krijuar  me 5 marinarët shqiptarë, pjesë e anijes tregtare ‘Envi 1’.

Po ashtu po bëhen përpjekje që ekuipazhi i përbërë nga marinarët shqiptare Xhodet Celaj, Maliq Bushati, Avni Buzi, Artur Selimaj dhe Jurgen Balla të riatdhesohen sa më shpejt.

Anija me pronar shqiptar u ndalua nga autoritetet në Libi pak ditë më parë ndërsa mbetej mister fati i marinarëve shqiptarë.

Pronari i anijes shqiptare të bllokuar në Libi, Eduart Skora ditën e djeshme gjatë një lidhje telefonike për Report Tv ka deklaruar se anija është bllokuar për shkak të klandestinëve dhe se shqiptarë ishin mirë.

Po ashtu edhe ambasada shqiptare në Kajro kontaktuar nga Report TV siguroi se marinarët ishin të sigurt dhe situata ishte nën

Anija lundronte në det me flamur të Panamasë dhe drejtohej nga kapiteni malazez, Marko Markoviç. 

Anija tregtare shqiptare e nisur drejt Maltës është ndaluar nga marina ushtarake e Libisë nën akuzën për transport të paligjshëm mallrash, tw paktwn kwshtu raportohej nw buletinin e Rojes Bregdetare Libiane.
 
Anija “Envi 1”, me flamur panamez e pronar shqiptar ishte nisur nga porti i Zuaras, 110 kilometra larg Tripolit me destinacion Maltën.
 
Në lundrim e sipër, anija është kapur nga autoritetet ushtarake bregdetare të Libisë, të cilat e kanë detyruar anijen të ankorohet pranë një tjetër porti, atij të Zauya-s, një port kryesisht karburantesh, që ndodhet 50 kilometra në perëndim të Tripolit.

Redaksia Online
e.m/Shqiptarja.com

/Shqiptarja.com