Ka vijuar edhe sot debati mbi bllokimin e biznesit të deputetit të ‘Rithemelimit’, Agron Shehaj, të cilin ai e konsideron si sulm politik ndërkohë që qeveria thotë se është në një ndërtim pa leje. Kryeministri Edi Rama, gjatë një takimi në Elbasan me fermerët, e ka quajtur “një ballist foltoreje” Shehajn, ndërsa tha se policia ka shkuar në biznesin e tij, pasi ky i fundit është në një ndërtim pa leje.
“Në vazhdën e operacionit për të bllokuar dhe konfiskuar metrat katrorë të ndërtuara pa leje nga ata në thonjëza oligarkët që na i faturojnë ne por në fakt janë këta, ka bllokuar godinën për të cilën pronarja thoshte e kam hotel, dhe brenda na gjendet një biznes të një deputeti, një ballist foltoreje, në një ndërtim pa leje. Dakord ka hyrë atje, këta se kanë problem të shkelin ligje, sidomos me ndërtime kanë një raport patologjik se i duan pa leje, po si del në parlament dhe kap foltoren dhe fillon ‘policia, Rama, duan të më mbyllin gojën’. Po si t’i mbyllim gojën? Bën dhe viktimën e fjalës së lirë. Dhe pavarësisht nga fakti që ne po japim një goditje përfundimtare, çojnë në Gjykatën kushtetuese ankesë. Po ç’punë ka një parti të ankohet që shteti kap disa biznesmenë në shkelje të ligjit? Shumë e thjeshtë sepse janë bashkë”, tha Rama.
Ndërkohë që i menjëhershëm ka qenë reagimi i deputetit Shehaj. Ai shkruan se është faji i tij që godina është pa leje, por e shtetit. Ai thotë se Rama po hakmarret ndaj tij.
“Edi Rama pranoi dje se shteti i tij policor ka bllokuar në mënyrë të paligjshme një biznes ku janë të punësuar 200 ekspertë IT-je, të cilët prej tri javësh mbahen forcërisht jashtë zyrave. Por paligjshmëria dëshmohet edhe më e qartë në pretekstet qesharake me të cilat justifikohet kryeministri. Ajo se ndërtesa është pa leje. Rama gënjen. E vërteta është se kompania ime ka bërë një kontratë qiraje para noterit në përputhje të plotë me ligjin për një objekt me leje. Por nëse ndërtesa ka shkelur lejen, e kujt është përgjegjësia? Është qeveria dhe agjencitë nën varësinë e Edi Ramës ato të cilat kanë detyrimin ligjor për të mos lejuar ndërtimet pa leje dhe jo bizneset private, të cilat bëjnë kontrata të rregullta qeraje. Ky është një pretekst banal. Arsyeja e vërtetë e bllokimit është hakmarrja e verbër politike e Edi Ramës ndaj denoncimeve të mia për aferat e tij të rënda, që nga firma që bëri Xhaçkën investitore strategjike, resortet e kushërinjve të Gjiknurit në Butrint. Dil dhe shpjegohu shqiptarëve, kur bëre ministren investitore dhe i dhe plazhin në Dhërmi, ishe apo jo në dijeni për kunatën e ministres Xhaçka të maskuar si investitore amerikane?", shkruan Shehaj, i cili ka publikuar edhe lejen e ndërtimit.
Foto e publikuar nga Shehaj, leje e ndërtimit e firmosur nga Veliaj
Kryeministri Edi Rama i ka kthyer sërish përgjigje deputetit demokrat Agron Shehaj për reagimin e tij se ka kontratë qiraje për biznesin që i është mbyllur për shkak se pallati nuk ka leje ndërtimi. Rama shkruan se deputeti ka hapur biznesin në një ndërtesë pa leje, ndërsa i ka kthyer përgjigje edhe për lejen e ndërtimit që ka publikuar Shehaj. Rama thotë se ndërtuesi ka shkelur lejen e ndërtimit.
“Ballisti i foltores paska nxjerrë një kontratë qiraje duke treguar një leje ndërtimi, po nuk e njeh ligjin sepse në parlament flet për biznesin e tij, që nuk duhet ta fuste në një ndërtim të paligjshëm dhe duhet ta dinte që nuk bëhet biznes në një pallat që s’ka leje shfrytëzimi! Sa për lejen e ndërtimit ajo është shkelur, pra është bërë nul nga vetë ndërtuesi, që duke tejkaluar edhe 10%-shin e tolerancës ligjore e ka bërë ndërtimin objekt të sekuestrimit sipas ligjit! Po s’ke ç’i bën, nga fshehjet në kotece tek futjet në pallate pa leje, zakon ballistash”, shkruan Rama.
Komente
Lajme të tjera
-
Rama për 'Il Giornale’: BE po humbet peshën në skenën globale, por prodhon ende kufizime! Do marr frymë më lehtë kur të përfundojnë zgjedhjet në SHBA
5 Nëntor, 12:28 -
Rama: Ura e Madhe, shëmbëlltyrë e ambicies së qeverisë për Kukësin
5 Nëntor, 10:00 -
'Vorio Epiri është një term i vdekur' Qeveria greke: Mundet për Ramën të mos ekzistojë, por minoriteti është atje! Rruga e Shqipërisë në BE kalon nga Athina
5 Nëntor, 09:50 -
‘Për hajër ura e madhe e Kukësit’, Rama 'thumbon' dhe kritikët: Lutje për ata që thoshin u ndryshk, shani sa më shumë se na shtoni inatin për punë! (VIDEO)
4 Nëntor, 21:14 -
Skënder Minxhozi: Kur humbesh pas detajeve e harron pyllin
4 Nëntor, 20:53
-
'Vorio-Epiri injorancë anti-shqiptare', Ngjela në 'Studio Live': Rama shkoi në Selanik t'u tregojë se jemi të fortë
4 Nëntor, 20:06 -
‘Studio Live’, vizita e Ramës në Selanik, Llalla: Vorio-Epiri jo term i vdekur, Greqia ka ende aktiv Ligjin e Luftës! Beleri dhe Dule kërkojnë ngritjen e statujës së ‘motrës epiriote’ në Athinë
4 Nëntor, 19:32 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Orban fton Ramën të enjten në Budapest! Hungaria mbështet ngritjen e kampeve jashtë BE
4 Nëntor, 14:54 -
Hapet Ura e Madhe në Kukës, merr pjesë në inagurim kryeministri Rama, pritet me këngë dhe valle! Planet me dron
4 Nëntor, 13:40 -
Spartak Ngjela: Edi Rama kaloi në një stad patriotik, të cilin nuk e ka pasur deri tani
4 Nëntor, 11:46
-
Dritan Hila: Pse Rama gjuan në portën pa portier
4 Nëntor, 11:09
/ANA/,po ku e kane idene te ashtuquajturit //biznesmene shqiptare// per juriste ne biznes?!Shumica kane sipermarrje ne nivel punishteje,apo ndermarrjesh te vogla,dyqane,hotele,etj dhe kur ndonjeri merr juriste,kujtohet vetem kur e fillon,kur e mbyll/e shet,ose kur futet ne bela,por qe te kete jurist te perhershem as qe behet fjale,kuptohen arsyet.Por dhe juristet tane,gjykuar nga keto //mysybete// qe degjojme, lene shume per te deshiruar per nga niveli i pergatitjes.Marrin ne qafe njerezit,por dhe veten per vendimet qe marrin e firmat e vulat qe vene.
PërgjigjuSipas ketyre informacioneve, pra qe objekti nuk ka patur leje shfrytezimi, duhet qe noteri dhe pronari i objektit te mbajne pergjegjesi ligjore, pasi kane mashtruar qiramaresin. Dhe ky i fundit duhet ti drejtohet gjykates per te kerkuar nga pergjegjesit kompesim financiar per demin e shkaktuar. Nga ana tjeter habitem me zotin Agron Shehaj qe nuk paska nje jurist ne bizneset e tija qe te shikoje/menaxhoje, minimalisht kontratat e ketij biznesi me palet e treta. Turp per fAQE TE ZEZE. dHE TANI SI LAB QE ESHTE HIDHET PERPJETE SE PO E LUFTOJNE POLITIKISHT. SHKO MER PI****,SPURDHJAK LABERIE!
PërgjigjuPra ti po thua qe ke bere falsifikime ne noteri ?
Përgjigjudeputet i thencin ketij shehajt se as per te pastruar stallen e deleve sjanw
Përgjigjuketa te opozites keshtu bejne kur ju vjen ora ndaj...edhe ti shehaj paske qen flliqesir fare
Përgjigjupo ca kontrate ke ti o geniiii apo ate qe tka dhen sala me korrupsion?
PërgjigjuO goni nenes ke bere 1 milion me call center dhe mendon se je i paprekshem
PërgjigjuKush ta beri kontraten , jot eme or gon.
Përgjigju