DURRËS – 6 milje larg portit të Durrësit mbahet e bllokuar prej 4 ditësh anija çisternë "Grace Felix" me 22.500 ton naftë kontrabandë në bordin e saj. Anija kishte destinacion "Romano Port" ku do të shkarkonte ngarkesën për llogari të kompanisë shqiptare "Bella Gaz" me pronar Ilir Bellën. Autoritetet doganore dhe ato policore dyshojnë se nafta është me origjinë nga Rusia, ndaj po e mbajnë të bllokuar me dyshimet se ngarkesa shoqërohet me dokumente false.
Burimet thane se anija është ngarkuar në Azerbaixhan me naftë ruse në një kohë që drejtuesi i anijes deklaron se ngarkesa është marrë në portin grek të Kallamatës nga një tjetër anije çisternë.
“Bazuar në dyshime të arsyeshme se kjo sasi nafte e kishte origjinën nga vendet me embargo, siç është Rusia dhe nuk disponon dokumentacion të rregull u bë sekuestrimi i saj dhe i dokumentacionit të lundrimit të kapitenit, si dhe bllokimi i ekuipazhit me 22 marinarë, për kryerjen e veprimeve të mëtejshme procedurale”, bën të ditur policia.
Aktualisht po kryhet verifikimi i dokumentacionit duke i kërkuar ndihmë edhe agjencive ligjzbatuese në Greqi. Dhe nëse do të vërtetohet, kjo do të ishte ngarkesa më e madhe e kontrabandës e kapur ndonjëherë në vendin tonë. Anija "Grace Felix" është prodhuar në vitin 2008, ka një kapacitet prej 23.400 ton dhe është 185 metra e gjatë. Anija është me pronar gjerman dhe menaxhohet nga një kompani norvegjeze.
Në operacionin e koduar ‘Embargo’ për bllokimin e anijes, morën pjesë Drejtoria Vendore e Policisë Durrës, Drejtoria për Hetimin e Krimit Ekonomik e Financiar në Departamentin e Policisë Kriminale në Policinë e Shtetit, Policia Kufitare e Portit Durrës, Drejtoria e Antikontrabandës, autoritetet doganore të portit, roja bregdetare dhe Kapiteneria e Portit Durrës, nën drejtimin e Prokurorisë pranë Gjykatës së Rrethit Gjyqësor Durrës. Operacioni u zhvillua pasi strukturat policore që operojnë në Durrës, veçanërisht Seksioni për Krimin Ekonomik dhe Financiar në DVP Durres, në vijim të operacioneve të njëpasnjëshme të zhvilluara muajt e fundit, me qëllim goditjen e kontrabandimit të naftës që vjen nga Libia e vende të tjera, kanë siguruar në vijimësi, përmes inteligjencës informative, informacione për një anije me flamur liberian që do të kontrabandonte një sasi shumë të madhe nafte.
Grupi hetimor, nën drejtimin e Prokurorisë, po vijon hetimet e thelluara, me qëllim dokumentimin sa më të plotë të kësaj veprimtarie të kunndërligjshme dhe për identifikimin e shtetasve të përfshirë në këtë veprimtari, si persona fizikë apo juridikë.
Të dhënat, pozicioni detar i anijes
Report Tv mëson se 22.500 tonë naftë në Portin e Durrësit ishin porositur nga “IB Gaz Tiranë Shqipëri” me administrator Ilir Bella. Kjo kompani me qendër në Elbasan është krijuar në janar 2016.
Komente
Lajme të tjera
-
Të shtëna me armë 'Shotgun' në Durrës, s'ka të lënduar! Shkak sherri mes dy personave të dehur në lokal, Policia shoqëron autorin (VIDEO)
25 Dhjetor, 18:28 -
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
25 vjet Putin, nga miku në armik
25 Dhjetor, 12:41 -
Kremtohet Krishtlindja në Durrës, besimtarët e krishterë luten për paqe dhe mirësi
25 Dhjetor, 10:27 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut
25 Dhjetor, 07:51 -
Durrës/ Kamioni përplas për vdekje 40-vjeçarin me biçikletë në rrugë, shoferi arratiset nga vendngjarja! Bllokohet mjeti, identifikohet viktima (VIDEO+FOTO)
24 Dhjetor, 17:32 -
Miratohet buxheti i bashkisë së Durrësit për 2025/ Anëtari i PD-së del nga rreshti, ja çfarë parashikon
24 Dhjetor, 16:34
-
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Porti i Durrësit, rinis udhëtimi i trageteve
24 Dhjetor, 13:08 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58
Pse nuk thua o g Gjemi qe mund te dale Rama sepse ai mendon shume per Ukrainen (Kastratin) ! Berisha mund ta bente po te ishte akoma ne pushtet apo ti si dhe Rama justifikoheni akoma me emrin e Berishes si fajtor per ç'do gje qe s'ju ecen !
PërgjigjuShi kur te dali S te thote e kam blere naften nga rusia qe tja jap ukraines qe te bej luften e saj kundra rusise … sic ishte muhabeti me naften kontrabande ne jugosllavi qe ja shishte slobos per te perkrahur luften e uck ????
Përgjigju