Bllokohet votimi në Elbasan, komisioneri i BF-së pretendon se pajisja elektronike është manipuluar: Votova kandidatin tim, doli emri i kundërshtarit

 

Komisioneri i koalicionit Berisha-Meta në qendrën e votimit 2373/1 të Elbasanit ka pretenduar se pajisja për votimin elektronik është manipuluar. Për këtë pretendim, Eduard Doko mbështetet në votimin e tij, duke thënë se në momentin që kishte votuar për kandidatin e tij, tek fleta e prinatuar dilte emri i kundërshtarit.

“Në një moment pauze shkova dhe votova për kandidatin tim. Dolën të gjitha në rregull, por në momentin kur shoh te printeri, më del emri i kandidatit tjetër, jo i Luçiano Boçit po i kandidatit tjetër. Tani nuk e di, pajisjen e kemi bllokuar që pas momentit që kam votuar unë. Të vijë specialisti ta shikojë se për çfarë bëhet fjalë. Në momentin që kam votuar unë, kam parë një emër tjetër, votimi i fundit është votimi im”- u shpreh komisioneri mes të tjerash.

LEXO EDHE:
Gramsh/ Vinin baste sportive nëpërmjet celularëve, 3 në pranga

Ndërkohë është bllokuar procesi i votimit në qendrën e votimit në lagjen Partizani deri në kontrollin e pajisjes nga një specialist.

Lajmi kryesor:

Mbyllet zyrtarisht votimi për 61 bashkitë, pjesëmarrja e ulët! Identifikimi elektronik pengoi votimin (VIDEO+FOTO)

B.V/KT/Shqiptarja.com

TAG:
• Elbasan