POP 5

Lajmet më të lexuara të 5 minutave të fundit

Politikë

Boçi: Klanet e drogës kanë dalë
në terren për të blerë zgjedhjet

Diskutime për zgjedhjet mes Gjinushit dhe Boçit, kështu ka vazhduar debati në emisionin Versus në Report Tv.
Diskutime për zgjedhjet mes Gjinushit dhe Boçit, kështu ka vazhduar debati në emisionin Versus në Report Tv.
 
Gjinushi ka thënë që për të arritur në zgjedhje të parakohshme duhet një bashkëqeverisje.
 
Ndërkohë Luçiano Boçi i ka replikuar duke u shprehur se “opozita ka kaluar 3 teste, atë të Korçës, ku u ble vota, zgjedhjet e 2015, ku Rama futi kriminelë në bashkitë e vendit dhe testi i fundit ishin zgjedhjet e Dibrës, ku vjedhja ishte më e hapur.”
 
“Ne nuk mund të bëjmë sikur zgjedhjet janë përmirësuar, pasi edhe sot që po flasim klanet e drogës, banditët janë në terren duke blerë votat akoma pa filluar zgjedhjet”, u shpreh Boçi.

PD nuk është kundër Vettingut
PD nuk ka dalë kundër Vettingut, është shprehur kështu Luçiano Boçi. Reforma në drejtësi nuk është bllokuar nga PD, por nga kandidatët në proces.

"Në themi kush është problemi, pse PD është në shesh. Janë zgjedhjet e lira dhe të ndershme", ka përfunduar Boçi.
 
Por ndërkohë, nuk ka ndenjur pa replikuar Gjinushi, i cili ka thënë nuk jemi marrë me ata, që janë marrë tamam me korrupsion politik.

Nëse flasim për reformën në drejtësi, duhet të dimë që qëllimi nuk është thjesht i drejtësisë, por i politikës.

"Vettingu është instrument emergjent dhe vetë reforma është zgjatur shumë. Politika e ka bllokuar vazhdimisht, sepse është konflikt interesi. Shumë politikanë e ndjejnë veten të kërcënuar. Ajo që e ka bllokuar këtë proces është opozita", ka thënë Gjinushi.

Agron Duka: S’mund të ketë zgjedhje të lira,opozita ka të drejtë
I ftuar në emisionin "Versus" në Report Tv në një panel me Skënder Gjinushin, Luçiano Boçin dhe Eduart Abazin, Kryetari i Partisë Agrare Agron Duka ka deklaruar se nuk mund të bëhen zgjedhje të lira duke i dhënë të drejtë opozitës në bojkotin e saj. 
 
“Nuk mund të bëhen zgjedhje të lira dhe të ndershme. Ka një mosbesim të madh, prandaj edhe opozita nuk ka faj në atë që kërkon. Unë nuk kam qenë në Peshkopi, nuk i kam parë zgjedhjet, por kam qenë në Kolonjë, ku njerëzit edhe u rrahën për të marrë votat”, është shprehur Duka.

Redaksia Online
Al.N/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Jini të hapur për të eksploruar ndjenja të reja...çfarë thonë yjet për ju sot

Jini të hapur për të eksploruar ndjenja të reja...çfarë thonë yjet për ju sot

11 Janar, 07:10