POP 5

Lajmet më të lexuara të 5 minutave të fundit

Media

Bogdani e BIRN fiton çmimin
CEI-SEEMO për gazetari investigative

Iniciativa Europiane Qendrore (CEI) dhe Organizata e Medias e Europës Jugolindore (SEEMO) në partneritet të veçantë me Programin e Medias të Europës Juglindore të Konrad Adenauer Stiftung (KAS), lajmëruan më 2 nëntor se gazetarja e BIRN Albania, Aleksandra Bogdani, është vlerësuar me çmimin e 2015, “CEI SEEMO për Merita të Shquara në Gazetarinë Investigative”, në kategorinë e gazetarëve profesionistë.
Bogdani e BIRN fiton çmimin<br />CEI-SEEMO për gazetari investigative
Iniciativa Europiane Qendrore (CEI) dhe Organizata e Medias e Europës Jugolindore (SEEMO) në partneritet të veçantë me Programin e Medias të Europës Juglindore të Konrad Adenauer Stiftung (KAS), lajmëruan më 2 nëntor se gazetarja e BIRN Albania, Aleksandra Bogdani, është vlerësuar me çmimin e 2015, “CEI SEEMO për Merita të Shquara në Gazetarinë Investigative”, në kategorinë e gazetarëve profesionistë.

“Bogdani u nderua për arritjet e saj profesionale në përgjithësi si një gazetare e patrembur në histori komplekse të trafikimit njerëzor, krimit të organizuar dhe abuzimit të fëmijëve, korrupsionit dhe sigurisë kombëtare,” tha në deklaratë Iniciativa Europiane Qendrore.

“Bogdani ka impresionuar në veçanti jurinë me kurajën e treguar si një grua që prodhon një “seri të thelluar të gjashtë investigimeve mbi rrjetin e rekrutuesve që dërgojnë qindra myslimanë shqiptarë në dërguar për të luftuar në luftën civile siriane si xhihadistë për Shtetin Islamik të Irakut dhe Levantit, ISIS dhe frontin al-Nusra”, shtoi deklarata.

Me më shumë se një dekadë eksperiencë pune si gazetare, redaktore dhe zv. Kryeredaktore në media të ndryshme në Shqipëri, përfshirë të përditshmet Mapo, Shekulli dhe Top News TV, Bogdani iu bashkua zyrës BIRN Albania në vitin 2014.

Në kategorinë e gazetarëve të rinj profesionistë 2015, çmimi CEI-SEEMO shkoi për gazetaren ukrainase Nadia Burdey. Burdey u vlerësua si një gazetare e re premtuese që ndjek standarde të larta të gazetarisë në një mjedis të vështirë në të cilin këto standarde nuk janë të përfshira.

Bogdani dhe Burdey do të marrin zyrtarisht çmimet e tyre nga CEI (4,000 euro dhe 1,000 euro respektivisht) me rastin e Forumit të Medias të Europës Juglindore (SEEMF) që do të mbahet në Bukuresht, Rumani më 5.6 nëntor 2015.

Redaksia Online
(f.s/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dritan HIla: Doktori që nuk harron vesin

Dritan HIla: Doktori që nuk harron vesin

5 Nëntor, 19:14 nga Dritan Hila