Boiken Abazi pas lirimit kthehet në protestë: Tentuan të na trembin, por frika u vra më 17 maj!

Drejtuesi i Lëvizjes Vetëvendosje në Tiranë, Boiken Abazi që u arrestua gjatë ditës së shembjes së Teatrit, u shpreh në protestën e sotme se në seancën gjyqësore kanë tentuar t’i trembin.

"Bashkë me tetë protestues kemi tre orë që kemi dalë nga seanca e parë gjyqësore ku po tentonin të na trembnin me procedimin penal se na kishin kapur në flagrancë, doja t'i thoja që në flagrancë i kemi kapur ne ditën e djelë duke kryer këtu një krim institucional", tha Abazi.

Ai ka thënë se lajmi më i mirë që merrnin kur ishin në paraburgim ishte që protestat vazhdonin, sipas tij kjo i jepte kuptim edhe ditës së djelë edhe 27 muajve rezistencë që ka drejtuar Aleanca për Teatrin. 

"Në ditët në vijim të mos ndalemi po ta çojmë mbase dhe qytet më qytet që t’ia bëjmë të qartë atyre që kanë kryer këtë krim institucional që plani i tyre ka dështuar njerëzit nuk kanë frikë. Frika u vra më 17 maj”, është shprehur Abazi.

Lajmi kryesor:

Dy orë protestë: Duam rindërtimi i teatrit aty ku ishte, siç ishte! Opozita sërish jashtë podiumit. Nesër në 11:00 para SPAK-ut, t'i bëjmë presion

TAG:
• arrestim
• shembja e teatrit
• protesta per teatrin
• boiken abazi