POP 5

Lajmet më të lexuara të 5 minutave të fundit

Politikë

Bojkoti i zgjedhjeve vendore të
2015, opsion i PD dhe aleatëve

Ndarja e re administrative ka bërë që aleatët të propozojnë bojkotin e zgjedhjeve vendore, pasi sipas tyre është e njëanshme. Në takimin që kreu i PD-së zhvilloi me aleatët e tij lidhur me qëndrimin që do të mbaj opozita për protestës e ditës së premte. Tubimi para kryeministrisë, Basha: Aleancë Kombëtare Kundër Drogës
Bojkoti i zgjedhjeve vendore të<br />2015, opsion i PD dhe aleatëve
TIRANE - Partia Demokratike dhe aleatët e saj kanë diskutuar dje mundësinë e bojkotit të zgjedhjeve vendore të vitit 2015. Në takimin që kreu i PD-së zhvilloi me aleatët e tij lidhur me qëndrimin që do të mbaj opozita për protestës e ditës së premte, është diskutuar çështja e zgjedhjeve vendore, ku një nga opsionet ishte edhe bojkotimi i tyre. Burime nga selia blu bënë me dije se në këtë takim, është cekur çështja e reformës territoriale. Pavarësisht se nuk ka pasur një diskutim të gjerë mbi këtë çështje, një nga pjesëmarrësit ka theksuar se duhet të bojkotohen zgjedhjet vendore të vitit 2015, pasi reforma territoriale po bëhet në mënyrë të njëanshme.

MBLEDHJA
Mbledhja e djeshme e aleatëve të Partisë Demokratike ishte parashikuar që të bëhej në orën 11. Të gjitha partitë pjesë e koalicionit opozitar, ishin të pranishme në takimin e djeshëm. Por, kreu i PD-së shkoi në takim me 20 minuta me vonesë, gjë e cila ka irrituar disi pjesëmarrësit. Konkretisht krerët e partive parlamentare dhe jo parlamentare kanë qëndruar për 20 minuta në selinë e PD-së duke pritur ardhjen e Bashës që të vijonte takimi ndërmjet tyre. Një nga të pranishmit ka theksuar gjatë pritjes se: “Ishte më mirë me doktorin se sa me këtë infermierin”, duke ironizuar qëndrimin e Bashës në krye të Partisë Demokratike dhe koalicionit opozitar. Kësisoj edhe vetë aleatët e kryetarit të opozitës duket se nuk e kanë marrë seriozisht pozicionin e Bashës në krye të PD-së, duke shprehu nostalgji për Berishën, si edhe duke e emëruar Bashën në një gradë më të ulët se sa ish-kryetari i demokratëve.

BOJKOTI
Bojkoti i zgjedhjeve vendore është një alternativë që vetë Partia Demokratike e ka shqyrtuar më parë. Konkretisht në fillim të vitit, gjatë një takimi që Basha ka zhvilluar në Korçë me militantët e PD-së ka shprehur se PD është duke shqyrtuar mundësinë e bojkotit të zgjedhjeve. Konkretisht në datën 25 janar, Basha deklaroi nga Korça se PD edhe mund të mos futet në zgjedhjet vendore, deklaratë e cila lidhjen me çështjen e reformës territoriale e cila ishte në fillesat e saj.

“Partia Demokratike, demokratët, opozita, paralajmëron jo vetëm mosnjohjen e çdo produkti të njëanshëm të reformës territoriale-administrative, por edhe një kundërshtim të fuqishëm mbarë popullor, të reformës arbitrare për interesa të fëlliqura elektorale. Në emër të të gjithë demokratëve paralajmërojmë edhe një herë nga Korça se nuk do të ketë zgjedhje në Shqipëri pa gjetur zgjidhjet dhe rrugën që e bëjnë të pamundur blerjen e votave”,- ka thënë Basha gjatë takimit në Korçë në muajin janar të vitit 2014.

Redaksia Online
(d.a/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri (EMRI)

Theu masën e arrestit të shtëpisë, shpallet në kërkim 47 vjeçari nga Fieri (EMRI)

5 Nëntor, 13:13