Bollino: Qeveria në Itali, jonatyrale
zgjidhje ndryshimi i kodit zgjedho

TIRANË - Një opinion mbi situatën politike në Itali vjen edhe në studion e televizionit “A1 Report” në Tiranë nga Carlo Bollino, drejtor i gazetës italiane ‘La Gazzetta del Mezzogiorno’.  

“Krizë politike e paralajmëruar, e cila vjen pas dënimit të Berluskonit”, dhe “një tension brenda një qeverie jonatyrale”, ka cilësuar Bollino paralajmërimin e kryeministrit Enrico Letta për dorëheqje në rast vote mosbesimi në parlament pas dorëheqjes së sotshme të 5 ministrave të PDL të Berluskonit dhe rrezikimin për përjashtim nga Senati të kreut të tyre, Berluskoni.
 
“Rritja e TVSH është një pretekst i Berluskonit”, argumenton Bollino kundërshtimet e sotme në Senat për rritjen e taksës TVSH si “dhunim i rëndë i pakteve të qeverisë”. “Nuk ka rëndësi numri i ministrave të dorëhequr, por votëbesimi i qeverisë në parlament”, ka argumentuar Bollino.

Ndërkohë, sipas Bollinos, presidenti Napolitano ka kërkuar shmangien e një krize politke. 

Bollino ka vërejtur se në Itali duhet të ndryshohet ligji zgjedhor si zgjidhja e vetme. Kjo pasi partia “Lëvizja 5 yjet”, e kryesuar nga Beppe Grillo ka vota disidente, as për të majtën, as për të djathtën.
 
“Ndryshimi i ligjit zgjedhor bën ndoshta të ndryshojnë balancat dhe mund të dalë një forcë fituese, që mund të qeverisë me stabilitet Italinë”, u shpreh Bollino.
 
Sipas tij, "para të hënës nuk do ketë një vendim përfundimtar dhe kjo është një telenovelë shumë e gjatë, e përsëritur".

Redaksia Online
(mag/shqiptarja.com)

TAG:
• carlo bollino
• OSBE