Serie A e futbollit në Itali zhvilloi mbrëmjen e të hënës dy ndeshjet përmbyllëse të raundit të 26-të. Fiorentina fitoi 1-0 kundër Pisës në derbin e Toskanës, ndërsa Bologna mposhti po 1-0 Udinesen. Pas këtij raundi është Interi me 64 pikë që mban kreun e klasifikimit, ndjekur nga Milani me 54 pikë dhe Roma e Napoli me nga 50 pikë.

Në stadiumin 'Artemio Franchi' të Firenzes vendasit e Fiorentinës fituan 1-0 kundër Pisës në derbin e Toskanës. Përballja ishte e fortë dhe pa shumë raste shënimi, megjithatë sfida u vendos nga goli i Moise Kean në minutën e 13-të të takimit. Fiore merr kështu fitoren e dytë radhazi dhe me 24 pikë mban vendin e 16-të në renditje, duke dalë nga zona e ftohtë e klasifikimit të Serie A.

Në stadiumin 'Renato Dall'Ara' Bologna mori fitoren e dytë radhazi duke mposhtur 1-0 Udinesen. Veterani Federico Bernardeschi, i futur në pjesën e dytë, vendosi ndeshjen me golin e tij nga 11 metërshi në minutën e 75-të të takimit. Pas katër humbjeve radhazi, Bologna 'shkelmon' krizën dhe merr fitoren e dytë në pak ditë duke u renditur në vendin e tetë me 36 pikë. Nga ana tjetër Udinese merr humbjen e tretë radhazi dhe mbetet në kuotën e 32 pikëve në vendin e 11-të.

Serie A, raundi 26-të:

E hënë, 23 shkurt 2026

Fiorentina 1-0 Pisa

Bologna 1-0 Udinese

Renditja:

Rendit zhvillimet sipas orarit:
Ora 09:37
VIDEO/ Vendos penalltia e Bernardeschit, Bologna i shkakton humbjen e tretë radhazi Udineses

1771922307_bologna.JPG

Në stadiumin 'Renato Dall'Ara' Bologna mori fitoren e dytë radhazi duke mposhtur 1-0 Udinesen. Veterani Federico Bernardeschi, i futur në pjesën e dytë, vendosi ndeshjen me golin e tij nga 11 metërshi në minutën e 75-të të takimit. Pas katër humbjeve radhazi, Bologna 'shkelmon' krizën dhe merr fitoren e dytë në pak ditë duke u renditur në vendin e tetë me 36 pikë. Nga ana tjetër Udinese merr humbjen e tretë radhazi dhe mbetet në kuotën e 32 pikëve në vendin e 11-të.

Ora 09:36
VIDEO/ Fiorentina fiton 1-0 kundër Pisës dhe del nga zona e ftohtë e Serie A

1771922224_fiorentina.jpeg

Në stadiumin 'Artemio Franchi' të Firenzes vendasit e Fiorentinës fituan 1-0 kundër Pisës në derbin e Toskanës. Përballja ishte e fortë dhe pa shumë raste shënimi, megjithatë sfida u vendos nga goli i Moise Kean në minutën e 13-të të takimit. Fiore merr kështu fitoren e dytë radhazi dhe me 24 pikë mban vendin e 16-të në renditje, duke dalë nga zona e ftohtë e klasifikimit të Serie A.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?