Bombardimi i ‘Moskva’, familjarët e marinarëve të ‘zhdukur’ i kërkojnë llogari Putin: Në spitale kishte djem të djegur, por nuk e gjeta timin

Me “shpatulla mbas murit” e kanë vënë presidentin rus Vladimir Putin, familjarët e marinarëve të ekuipazhit të anijes luftarake “Moskva” që u shkatërruar disa ditë më parë nga forcat ukrainase. Ata po i kërkojnë llogari presidentit për të mësuar se ku ndodhen fëmijë e tyre, ndërsa kërkojnë që ai të pranojë numrin e njerëzve që humbën jetën atë ditë në anije.

Të dalësh kundër Putin nuk është e lehtë, pro familjarët e marinarëve që mendohet se humbën jetën, po kërkojnë të dëshpëruar të vërtetën.

Ata kanë frikë se numri i të vdekurve nga Moskva është të paktën 40 dhe mund të jetë shumë më i lartë. Nga ana tjetër burimet perëndimore pretendojnë të kundërtën.

Fillimisht Moska e mohoi incidentin, por më vonë fotografitë e anijes së sulmuar u publikuan në internet.

Irina Shkrebets, thotë se djali i saj punonte si kuzhinier në anijen luftarake. Ajo sqaroi se teksa po kërkonte në repartet e spitalit, pa se ishin të mbushura me marinarë të djegur rëndë.

“Kam parë çdo fëmijë të djegur. Nuk mund t’ju them se sa e vështirë ishte, por nuk munda ta gjeja timin. Ishin vetëm 200 njerëz në spital dhe kishte më shumë se 500 në anije. Ku ishin të tjerët? Pyeta një komandant të marinës për informacion, por ai më tha: “Nuk do t’ju them asgjë”.

Nëna e një marinari tjetër tha se shumë ekuipazh u renditën si të zhdukur dhe jo të vdekur, për të kursyer sikletin e Kremlinit për humbjen e kaq shumë personelit.

 “Ka të vdekur, ka të plagosur, ka të zhdukur. Djali im po qante kur më thirri për të thënë atë që pa. Ishte e frikshme. Është e qartë se jo të gjithë e bënë atë të gjallë. Shumë kanë humbur gjymtyrët.”, tregoi ajo.

J.GJ./Shqiptarja.com

TAG:
• rusia sulmon ukrainen
• Rusi