POP 5

Lajmet më të lexuara të 5 minutave të fundit

Kronikë

Bordi i BSH në Prokurori, dëshmon
Kule, Civici e Milo, nesër pyetet Gjoni

Pjesa e mbetur e anëtarëve të Këshillit Mbikëqyrës së Bankës së Shqipërisë kanë dëshmuar në Prokurori për llogari të hetimeve të nisura për skandalin në Bankë, ku Bitraj mundi të vjedhë 713 milonë lekë, teksa të pyetur nga media, Petraq Milo, Dhori Kule dhe Ardian Civici refuzojnë të komentojnë arrestimin e Guvernatorit Fullani.  VIDEO
Bordi i BSH në Prokurori, dëshmon<br />Kule, Civici e Milo, nesër pyetet Gjoni
TIRANE - Pasi votuan dy ditë më parë propozimin për shkarkimin e Guvernatorit të Bankës së Shqipërisë, anëtarët e Këshillit Mbikëqyrës janë paraqitur në prokurori siç dhe ishin ftuar, për të dëshmuar në lidhje me hetimin për vjedhjen e thesarit, teksa për mediat kanë preferuar të përgjigjen me heshtje.

I pari që është paraqitur në prokurori për të dëshmuar ka qenë Petraq Milo, i ndjekur më pas nga Dhori Kule e Ardian Civici, teksa pasi kanë dëshmuar për afro dy orë secili, ata kanë lënë prokurorinë duke mos u përgjigjur pyetjeve të medias.

A1Report ka mundur të mësojë se pyetjet e drejtuara nga orficerët e policisë gjyqësore dhe prokurori Ramadan Troci ndaj anëtarëve të Këshillit Mbikëqyrës janë fokusuar në mënyrën se si merreshin vendimet në Bankë dhe nëse këta të fundit si kontrollor të bankës dhe guvernatorit a kanë patur ndonjëher informacion në lidhje me shkeljet e konstatuara në bankë.

Teksa këtë të Hënë ka qenë kreu i Prokurorisë së Tiranës z.Petrit Fusha, i cili ka kërkuar nga Parlamenti nëpërmjet një letre mirëkuptimi dërguar deputetit Braçe, që për aq kohë sa anëtarët e Këshillit Mbikëqyrës po dëshmojnë në hetim në prokurori, të mos pyeten dhe në parlament. 



Të martën pritet që dëshmojë guvernatorja në detyrë Elisabeta Gjoni, e cila për shkak të takimit me kryeministrin Edi Rama kërkoi shtyrjen nga prokuroria, pasi ishte planifikuar të dëshmonte sot. Organi i akuzës është shprehur se do të marrë në pyetje këdo që mund të hedhë dritë mbi skandalin e vjedhjes së 713 milionë lekëve në BSH.

petraq milo
(Në foto: Anëtari i Këshillit Mbikqyrës Petraq Milo gjatë mbërritjes në Prokurori)

dhori kule
(Në foto: Anëtari i Këshillit Mbikqyrës Dhori Kule gjatë mbërritjes në Prokurori)

civici
(Në foto: Anëtari i Këshillit Mbikqyrës Ardian Civici gjatë mbërritjes në Prokurori)
  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Tokat e tyre preken nga ndërtimi i aksit Thumanë-Kashar, banorët e Bërxullës sërish në protesë: Do i mbrojmë pronat me gjak

Tokat e tyre preken nga ndërtimi i aksit Thumanë-Kashar, banorët e Bërxullës sërish në protesë: Do i mbrojmë pronat me gjak

30 Mars, 10:24