Bordi rrit çmimet, benzina 6 lekë më shtrenjtë, shitet 179 lekë për litër! Rritet me 3 lekë nafta, gazi nuk ndryshon

Bordi rrit çmimet, benzina 6 lekë më shtrenjtë, shitet 179 lekë për litër! Rritet me 3 lekë nafta, gazi nuk ndryshon

Foto ilustruese

TIRANË- Bordi i Transparencës ka rritur çmimet për benzinën dhe naftën. Duke nisur nga sot, benzina do të tregtohet 6 lekë më shtrenjtë. Nga 163 lekë që ishte deri më tani, benzina do të shitet me 179 lekë për litër. Ndërkohë, benzina është rritur me 3 lekë, nga 173 lekë që ishte do të tregtohet me 176 lekë. Çmimi i gazit nuk ka ndryshuar dhe do të jetë 63 lekë për litër.

"Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 176 lekë/litri, ndërsa i shitjes me shumicë jo më shumë se 164 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 179 lekë/litri, ndërsa i shitjes me shumicë jo më shumë se 167 lekë/litër. Çmimi i shitjes me pakicë i nënproduktit gaz, të jetë 63 lekë/litri me pakicë dhe i shitjes me shumicë 51 lekë/litër për automjetet. Çmimi i gazoilit për peshkim është vendosur 82 lekë/litër", njofton Bordi. 

Çmimet e caktuara nga Bordi do të hynë në fuqi sot më 26 Maj, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve. Ministria e Financave dhe Ekonomisë sqaron se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.

                Ishte                Bëhet
Nafta       173 lekë/litri     176 lekë/litri
Benzina  173 lekë/litri      179 lekë/litri
Gazi         63 lekë/litri       63 lekë/litri

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rripi: 26/05/2023 17:54

    U liru pak rripi para zgjedhjeve qe te rishtrëngohet tani pas zgjedhjeve,ha ha

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Përfshihet në flakë apartamenti në Patos, shkak bombola e gazit, nuk ka të lënduar

Përfshihet në flakë apartamenti në Patos, shkak bombola e gazit, nuk ka të lënduar