Ulet pas shumë kohësh çmimi i gazit, nga sot shitet 9 lekë më lirë! Bordi ul me 3 lekë naftën dhe 1 lek benzinën

TIRANË- Bordi i Transparencës ka ulur çmimin e hidrokarbureve! Pas një periudhe shumë të gjatë, çmimi i gazit është ulur ndjeshëm dhe duke nisur nga sot në orën 18:00 do të tregtohet me 66 lekë për litër nga 75 lekë që ishte më parë. Konkretisht, çmimi i gazit është ulur me 9 lekë.

Po ashtu ulje kanë pësuar edhe çmimi i naftës me 3 lekë, si edhe çmimi i benzinës me 1 lekë. Nga sot nafta do të shitet me 174 lekë për litër, nga 177 lekë për litër që ishte më parë. Ndërsa, benzina do të tregtohet 177 lekë për litër.

LEXO EDHE:
Nafta rritet për herë të katërt, i afrohet sërish nivelit të 200 lekëve

"Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 174 lekë/litri, ndërsa i shitjes me shumicë jo më shumë se 162 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 177 lekë/litri, ndërsa i shitjes me shumicë jo më shumë se 165 lekë/litër. Çmimi i shitjes me pakicë i nënproduktit gaz, të jetë 66 lekë/litri me pakicë dhe i shitjes me shumicë 54 lekë/litër për automjetet. Çmimi i gazoilit për peshkim është vendosur 81 lekë/litër", thuhet në njoftim. 

Çmimet e caktuara nga Bordi do të hynë në fuqi në datë 28 Prill ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Bordi i transparencës që në krijimin e tij i është përmbajtur në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.

TAG:
• çmimi i naftes
• nafta
• bordi i transparences

Sondazhi i ditës:

Vrasja e policit, a rrezikon të përshkallëzohet konflikti Kosovë-Serbi?

• Po

  59.7%

• Jo

  33.1%

• Nuk e di

  7.2%

Vota total: 2277

• Sondazhi i ditës:

  Vrasja e policit, a rrezikon të përshkallëzohet konflikti Kosovë-Serbi?

  Po Jo Nuk e di