Vendimi i Bordit/ Ulet me 4 lekë çmimi i naftës, benzinës dhe gazit

Vendimi i Bordit/ Ulet me 4 lekë çmimi i naftës, benzinës dhe gazit

Foto ilustruese

TIRANË- Bordi i transparencës ka vendosur që të ulë çmimet e karburanteve. Kështu në vendimin e fundit, është vendosur që çmimi i naftës të ulet me 4 lekë/ litri. Pra do të shitet me 189 lekë/litri nga, 193 lekë/litri që ishte.

Gjithashtu ulje me 4 lekë/litri ka pësuar edhe çmimi i benzinës që do të shitet me 186 lekë nga 190 lekë që ishte. Po me 4 lekë është ulur edhe çmimi i shitjes me pakicë të gazit që do të shitet me 76 lekë/ litri nga 80 lekë/litri që ishte.

“Si rrjedhojë çmimet e vendosura janë :

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 189 lekë/litri, ndërsa i shitjes me shumicë jo më shumë se 177 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 186 lekë/litri, ndërsa i shitjes me shumicë jo më shumë se 174 lekë/litër.

Çmimi i shitjes me pakicë i nënproduktit gaz, të jetë 76 lekë/litri me pakicë dhe i shitjes me shumicë 64 lekë/litër për automjetet.

Çmimi i gazoilit për peshkim është vendosur 95 lekë/litër”, thuhet në vendim.

Nisur nga akuzat e shumta nga opozitës që e cilësojnë si të kapur nga oligarkët e karburanteve, Bordi i Transparencës sqaron që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.

"Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës", përfundon  njoftimi.

Çmimet e caktuara nga Bordi kanë hyrë në fuqi sot në orën 18.00 dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria skualifikohet nga Euro 2024, a ju pëlqeu loja e Kombëtares



×

Lajmi i fundit

Eduard Zaloshnja: Pothuaj 80% vlerësim pozitiv për kombëtaren shqiptare, edhe pse u eliminua

Eduard Zaloshnja: Pothuaj 80% vlerësim pozitiv për kombëtaren shqiptare, edhe pse u eliminua