Bordi ul me 5 lekë naftën, do të shitet 190 lekë për litër, edhe benzina 4 lekë me lirë! Gazi nuk ndryshon

Bordi i Transparencës ka publikuar çmimet e reja të karburanteve. Duke nisur nga sot, nafta do të shitet me 5 lekë më lirë, gazi me 3 lekë më lirë, ndërsa çmimi i gazit nuk ka ndryshuar.

Nafta do të tregtohet me 190 lekë për litër nga 195 lekë për litër që ishte. Ndërkohë, benzina do të shitet me 186 lekë për litër nga 189 lekë për litër. Sa i takon gazit çmimi do të jetë 80 lekë për litër.

"Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 190 lekë/litri, ndërsa i shitjes me shumicë jo më shumë se 178 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 186 lekë/litri, ndërsa i shitjes me shumicë jo më shumë se 174 lekë/litër.

LEXO EDHE:
Shkrirja e Bordit të Karburanteve, Konfidustria: Nuk pritet të sjellë ulje të çmimit të hidrokarbureve! Të krijohet Enti Rregullator i Karburanteve

Çmimi i shitjes me pakicë i nënproduktit gaz, të jetë 80 lekë/litri me pakicë dhe i shitjes me shumicë 68 lekë/litër për automjetet. Çmimi i gazoilit për peshkim është vendosur 96 lekë/litër", njofton Bordi. 

Çmimet e caktuara nga Bordi do të hynë në fuqi në orën 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Ministria e Financave sqaron se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.

                                    ISHTE                    BËHET

Çmimi i naftës            195 lekë/litër           190 lekë/litër         

Çmimi i benzinës        189 lekë/litër           186 lekë/litër         

Çmimi i gazit               80 lekë/litër             80 lekë/litër  

SI.E./Shqiptarja.com

TAG:
• bordi i transparences