POP 5

Lajmet më të lexuara të 5 minutave të fundit

Bota

Boris Pistorius zgjidhet ministri i ri i Mbrojtjes në Gjermani! Të premten, pritet takim i rëndësishëm në bazën amerikane në Rammstein

Boris Pistorius është emëruar ministri i ri i Mbrojtjes në Gjermani, ndërsa më herët ka mbajtor edhe postin e ministrit të Brendshëm. Të premten Pistorius do jetë në një takim të rëndësishëm në bazën amerikane Rammstein në Gjermani me homologët perëndimorë

Vetëm një ditë ka zgjatur vakumi politik për vendin bosh të ministrit të Mbrojtjes në Gjermani. Këtë të martë, qeveria gjermane njoftoi se Boris Pistorius do të jetë ministri i ri i Mbrojtjes.

Dikur ministër i Brendshëm, socialdemokrati Pistorius pritet të marrë mandatin të enjten. Emërimi i tij vjen në një kohë të vështirë për sigurinë evropiane, ndërsa lufta në Ukrainë ka cënuar ekonominë dhe sigurinë e kontitentit të vjetër.

Paraardhësja e tij u largua në kohën kur gjermanët po bëheshin gati të dërgonin armatime të rënda në Ukrainë për të përballuar një sulm të mundshëm rus në muajt në vijim. 

Christine Lambrecht dha dorëheqjen të hënën pasi u përball me kritika të forta nga opozita lidhur me deklaratat e saj dhe sipas medieve gjermane nuk shihej si kandidate e fortë për këtë detyrë pasi nuk kishte përvojë dhe njohuri të mjaftueshme për ushtrinë.

Të premten në Rammstein të Gjermanisë, baza më e madhe amerikane në Evropë, pritet të organizohet një nga takimet më të rëndësishme mes aleatëve perëndimorë për vijimësinë e ndihmës për Ukrainën.

Më herët, Gjermania bëri thirrje për një gjykatë speciale ndërkombëtare për të ndjekur penalisht liderët rusë për luftën pushtuese në Ukrainë. Gjykata, sipas kryediplomates gjermane Baerbock, duhet të ketë vendndodhje jashtë Ukrainës, me mbështetje financiare nga partnerët dhe me prokurorë dhe gjyqtarë ndërkombëtarë që mbështesin paanshmërinë dhe legjitimitetin e kësaj gjykate.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02