Borrel: Situata në Afganistan është një katastrofë! Duhet krijuar një plan evropian reagimi dhe një forcë ushtarake hyrëse prej 5,000 ushtarësh

Borrel: Situata në Afganistan është një katastrofë! Duhet krijuar një plan evropian reagimi dhe një forcë ushtarake hyrëse prej 5,000 ushtarësh

Qeveritë e vendeve të Bashkimit Evropian duhet të ecin përpara me një forcë evropiane të reagimit të shpejtë për t’u përgatitur më mirë për krizat e ardhshme sikur ajo në Afganistan, tha shefi i politikës së jashtme të BE-së, Josep Borrell, në një intervistë për  “Il Corriere della Sera”. Borrel tha se dislokimi i trupave amerikane në Afganistan me përkeqësim të sigurisë tregoi se BE-ja kishte nevojë të përshpejtonte përpjekjet për ta ndërtuar një politikë të përbashkët mbrojtëse.

 “Ne duhet të nxjerrim mësime nga kjo përvojë… si evropianë ne nuk kemi qenë në gjendje t’i dërgojmë 6,000 ushtarë rreth aeroportit të Kabulit për ta siguruar zonën. SHBA-ja ka qenë, ne nuk e kemi bërë”, tha ai.

Borrell tha se 27 anëtarët e BE-së duhet të kenë një “forcë fillestare hyrëse” prej 5,000 ushtarësh. “Ne duhet të jemi në gjendje të veprojmë shpejt.”

Në maj, 14 vende të BE-së përfshirë Gjermaninë dhe Francën propozuan një forcë të tillë, ndoshta me anije dhe avionë, për të ndihmuar qeveritë e huaja demokratike që kanë nevojë për ndihmë urgjente.

Teoria e krijimit të një force të tillë është diskutuar për herë të parë në vitin 1999 në lidhje me luftën në Kosovë, një sistem i përbashkët i grupeve të luftimit me personel prej 1.500 trupash nga secili vend u krijua në vitin 2007 për t’iu përgjigjur krizave, por nuk janë përdorur sepse qeveritë e BE -së nuk ishin dakord se si dhe kur t’i vendosnin ato.

Borrel në anën tjetër u shpreh se situata në Afganistan ishte një katastrofë për popullin afgan dhe një dështim i botës perëndimore dhe ndryshues i lojës për marrëdhëniet ndërkombëtare. Ndërkohë që theksoi se nuk ka ende një shifër të saktë për numrin e personave që duhet të ishin evakuuar nga shteti.


Lajmi kryesor:

Sulmi me dron në Kabul, SHBA fillon hetimet pas raportimeve se mes viktimave kishte edhe fëmijë


  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

VIDEO/ 'Dashninë tënde zemra kurrë s'ka me harrue', një ditë para ndeshjes tifozët e Kombëtares 'djegin' Dortmundin

VIDEO/ 'Dashninë tënde zemra kurrë s'ka me harrue', një ditë para ndeshjes tifozët e Kombëtares 'djegin' Dortmundin