Borrell: Moska po përdor krizën në Lindjen e Mesme në avantazhin e saj

Luftërat në Ukrainë dhe Lindjen e Mesme kanë shkaqe dhe origjina të ndryshme, por të dyja po shkaktojnë valë tronditëse në mbarë botën, nga të cilat Rusia po përfiton, tha Përfaqësuesi i Lartë i Bashkimit Europian Josep Borrell në Luksemburg.

“Lufta e Ukrainës dhe kjo luftë kanë shkaqe të ndryshme, por të dyja po dërgojnë valë tronditëse në mbarë botën. Dhe Rusia, është e sigurt se po përfiton nga kjo situatë”, tha Borrell.

LEXO EDHE:
Frikë për acarimin e gjendjes pas sulmit izraelit në Jemen

Në të njëjtën kohë, sipas Përfaqësuesit të Lartë të BE-së, evuopianët duhet të jenë shumë të kujdesshëm dhe po aq të shqetësuar për çdo civilë të vrarë.

“Ne duhet t’i japim mbështetje të fortë Izraelit, sepse izraelitët përjetuan sulmin më të madh kundër popullatës hebreje. Por ne gjithashtu duhet të marrim parasysh se në mesin e popullatës palestineze po vdesin njerëz të pafajshëm dhe ata janë viktima të Hamasit”, tha Borrell.

Megjithatë, çështja palestineze nuk mund të zgjidhet vetë dhe kërkon përpjekje dhe iniciativa ndërkombëtare, veçanërisht ato të diskutuara në Asamblenë e Përgjithshme të OKB-së.

Borrell pritet të informojë ministrat europianë për rezultatet e udhëtimit të tij në Kinë. Siç tha ai, ministrat europianë duhet të diskutojnë mënyrat për të vazhduar procesin paqësor politik në Lindjen e Mesme, pasi këto përpjekje u harruan për disa kohë nga fuqitë e mëdha botërore.

Lajmi kryesor:

Lufta në rripin e Gazës/ Izraeli shtyn operacionet tokësore për 'blerë' kohë për negociatat e pengjeve! Hamasi liron 4 gra në orët e fundit

S.S/Shqiptarja.com

TAG:
• sulmohet izraeli