Borxhet e shtetit, paguhen
120 milionë dollarët e parë
14 fatura, me vlerë më shumë se 1 miliard lekë të vjetra secila, janë likuiduar tashmë nga ministria e Financave në favor të kompanive të ndërtimit të infrastrukturës, ndaj të cilave kishte detyrime shteti shqiptar.
TIRANE- 14 fatura, me vlerë më shumë se 1 miliard lekë të vjetra secila, janë likuiduar tashmë nga ministria e Financave në favor të kompanive të ndërtimit të infrastrukturës, ndaj të cilave kishte detyrime shteti shqiptar. Në mbledhjen e radhës të Këshillit Konsultativ pranë ministrit të Financave Shkëlqim Cani, kreu i këtij dikasteri ka deklaruar se deri tani shuma që i është kthyer biznesit nga buxheti i shtetit për detyrimet e prapambetura ka arritur në shifrën 120 milionë dollarë. Nga kjo shumë, 30 milionë dollarë janë paguar vitin e kaluar, ndërsa gjatë këtij viti janë paguar 90 milionë dollarë. “Lëvrimi i fundit i fondeve është bërë në 31 mars”, tha Cani. Po ecet me objektivin, tashmë të deklaruar, për të paguar 350 milionë dollarë deri në qershor. Nga shuma e paguar, mbi 80% i përket rimbursimit të TVSH-së.
Kompanitë që kanë marrë pagesat më të larta në përputhje me angazhimin e Ekzekutivit për të shlyer detyrimet e Berishë ndaj tyre janë Geci, ANK, Salillari, GPG, AGBES, Victoria Invest, Albstar, Gjikuria, Curri, Pe-Vla-Ku, Copri-Aktor, Alb-Tiefbau dhe Serenissima. Këto subjekte ishin angazhuar në ndërtime publike, pasi kishin fituar tenderat përkatës gjatë tetë viteve të qeverisjes së djathtë, por kjo e fundit kishte krijuar borxhe të mëdha ndaj tyre.
Sipas Financave, janë rreth 10 mijë fatura të hedhura në faqen e Tatimeve, ku bizneset mund të verifikojnë gjendjen e detyrimeve të tyre, por, nga ana tjetër, shumë prej këtyre rezultojnë me probleme gjatë rakordimeve.
Cani tha se fondet për të shlyer detyrimet e shtetit ndak privatit tani për tani janë siguruar nga buxheti, duke qenë se huaja e Fondit Monetar Ndërkombëtar nuk është disbursuar ende.
Qeveria Rama ka marrë përsipër të shlyeje 72 miliardë lekë detyrime të prapambetura të Berishës për periudhën trevjeçare 2014-2016, por gjysma e të cilave duhet të paguhen vetëm brenda këtij viti.
“Deri tani kemi arritur një të tretën e objektivit të këtij viti”, tha ministri i Financave në Këshillin Konsultativ pranë tij, që përbëhet nga analistë dhe ekspertë të fushës ekonomike dhe të medias, i cili zhvilloi mbledhjen e tretë të radhës.
Shkrimi u publikua sot (2.04.2014) në gazetën Shqiptarja.com (print)Redaksia Online(d.a/shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
70.4%
-
Jo
18.6%
-
Ndoshta
11%
Vota total: 930
Votat totale janë unike
Lajme të tjera
-
Miratohet draft-marrëveshja për ndërtimin e sheshit fundor të Bulevardit të Ri në Tiranë
22 Korrik, 23:01
-
Vuçiç: Perëndimi po përgatitet për konflikt direkt me Federatën Ruse
22 Korrik, 22:58
-
Kushtoi 10 milionë euro, Kylian Mbappe blen shtëpinë e Gareth Bale në Madrid! Pishina, fusha futbolli dhe golfi
22 Korrik, 22:54
-
FOTO e re/ Momenti kur Blushi e Valteri përplasen fizikisht në Këshillin Bashkiak
22 Korrik, 22:50
-
VIDEO/ Digjet banesa në Lazarat
22 Korrik, 22:34
-
'Çadra 30 euro më privon të ha drekën', ekspertja: Duhet turizëm i qëndrueshëm që gjeneron të ardhura për komunitetin
22 Korrik, 22:30
-
'Tipologji e re e turizmit në Shqipëri', eksperti: Vijnë shumë të rinj! Jo për plazhe por për ture, Gjirokastra nga më të preferuarit
22 Korrik, 22:13
-
Rusia dënon gazetaren e dytë amerikane në një proces gjyqësor sekret
22 Korrik, 22:08
-
UEFA dënon Egnatian dhe Vllazninë
22 Korrik, 22:04
-
Blushi qëlloi Valterin me grusht, Meta: E provokoi, qen bir qeni! Një horr që priste 3 orë të bënte foto me mua
22 Korrik, 22:00
-
PD dhe shoqëria civile protestë kundër ‘Rozafa Tower’ në Shkodër: Kulla s'asht Cool
22 Korrik, 21:50
-
'Pazari, zemra e turizmit në Gjirokastër', kryebashkiaku Flamur Golemi: Çmimet janë stabilizuar
22 Korrik, 21:47