X

POP 5

Lajmet më të lexuara të 5 minutave të fundit

Sport

Botërori i Katarit, Shqipëria nis sonte rrugëtimin nga Andorra

Shqipëria nis sot rrugëtimin për në Kupën e Botës “Katar 2022”. Kuqezinjtë zbresin në fushë ndaj Andorrës vetëm për fitore për ta nisur sa më mbarë fushatën kualifikuese. Skuadra është e plotë dhe optimiste për sfidën që nis në 20:45.

Rruga për në Botërorin e Katarit për Shqipërinë është e gjatë dhe shumë e vështirë e nis mbrëmjen e sotme nga Andorra.  Në “Estadi Nacional” të Andorrës kuqezinjtë do të kërkojnë ta nisin me fitore dhe tri pikë fushatën kualifikuese.

Skuadra nën drejtimin e teknikut Edy Reja dje zhvilloi edhe stërvitjen e fundit në prag të takimit që sot nis në 20:45 dhe grupi është i plotë, futbollistët nuk kanë asnjë problem dhe formacioni thuajse është caktuar. Prapavija duket se do të jetë e gjitha italiane pra me futbollistë që aktivizohen përtej Adriatikut. Berisha si kapiten në portë por titullar mund të jetë edhe Strakosha. Në skemën 3-5-2 të trajnerit mbrojtjen do ta përbëjnë Ismajli, Gjimshiti dhe Kumbulla.

Nga krahët Hysaj i sigurt në të djathtë ndërsa në të majtë ka balotazh mes Lenjanit e Uzunit. Treshen e mesit të fushës do e formojnë Bare, Gjasula e Memushaj ndërsa në sulm do jetë dyshja Cikalleshi-Manaj. Në konferencën për shtyp para ndeshjes Reja ka thënë se shpreson që forma e mirë e Ligës së Kombeve të vijojë dhe se do fitore ashtu si edhe portieri Berisha kërkon po ashtu tre pikët dhe nënvizon se nuk lejohen hapa fals. Prurja e re Bajrami ende ka probleme me dokumentacionin. Shqipëria para dy vitesh e mundi Andorrën në fushën e saj 3-0 dhe është superfavorite edhe për kompanitë e basteve. Tre pikët me Andorrën shërbejnë edhe për moralin në sfidën e së dielës ndaj Anglisë./Përgatiti Andi Kapxhiu

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni punën e Gjykatave e Prokurorive në qarqe?

Lajme të tjera



×

Lajmi i fundit

Kryetarja e AMA-s në Konferencën ndërkombëtare të Abixhanit! Nënshkruhet Deklarata e Dialogut mes rrjeteve rregullatore dhe platformave Google, Meta, X dhe Tik Tok

Kryetarja e AMA-s në Konferencën ndërkombëtare të Abixhanit! Nënshkruhet Deklarata e Dialogut mes rrjeteve rregullatore dhe platformave Google, Meta, X dhe Tik Tok

26 Prill, 10:15