Bozdo: Nëse PD-LSI do dilnin me listë të përbashkët do humbiste identiteti politik të partive! Do luftojmë me dorë të hekurt korrupsionin

Ish deputeti i PD-së, Enno Bozdo e ka cilësuar koalicionin paszgjedhor të firmosur sot mes Bashës dhe LSI si objektiv për të marrë fitoren. Në një intervistë në “5 pyetje nga Babaramo”, Bozdo tha se ai nuk donte që partitë të garonin me lista të përbashkëta pasi do të humbte identiteti i partive.

“Një listë e përbashkët do të sillte humbjen e identitetit politik të dy partive. Këtë unë nuk e doja. Në fund të ditës që Rama kërkonte të provokonte ishte pikërisht kjo që partitë politike të hynin në një kazanë madh opozitar që në fund të humbte identiteti i tyre”, tha Bozdo

Duke folur për mënyrën se si PD do të zhvillonte ekonominë dhe do të ndalonte korrupsionin, Bozdo u fokusua tek cilësia e karburantit. Sipas tij cilësia e keqe e karburantit vjen si pasojë e korrupsionit që ndodh këtu tek ne, ku kompanitë në bashkëpunim me institucionet që duhet t’i kontrollojnë këto kompani private ndajnë fitimin dhe bëjnë manovra të tilla që dëmtojnë cilësinë e karburantit.  Për këtë fajin Bozdo e shikon tek korrupsion dhe shprehet se kur PD të vij në pushtet do të kryer kontrolle me dore të hekurt për të shmangut këtë gjë.

“Cilësia e karburantit prek qytetarët  është problem i të gjithave qeverive, duke filluar që nga qeveria jonë e mëparshme. Këtë gjë PD do e zgjidh me dore të hekurt me kontroll dhe me riformatim e agjencive që duhet ta kontrollojnë këto kompani. Kjo lejohet se dikush nga grotistët e naftës do të vjedh dhe ndan fitimin me institucionet e shtetit që duhet ta kontrollojnë. Përzierja e naftës ndodh këtu tek ne, nuk vjen që nga jashtë, pra korrupsionin e kemi këtu brenda nesh.  Privati bën korrupsion nëse shteti nuk e balancon, pra kjo tregon se fitimet ndahen, kjo gjë duhet të marrë fund”, tha Bozdo.

/b.ha./Shqiptarja.com

TAG:
• PD
• enno bozdo
• zgjedhjet parlamentare 2021