Braçe: Berisha nuk e ndal dot
Delijorgjin, nuk ka pushtet mbi të

TIRANË - Deputeti Erion Braçe ka reaguar sot mbi konfliktin e romëve të dëbuar të Rrugës së Kavajës. Ai i ka quajtur "bosët e betonit" ata që kanë përzënë përdhunshëm romët nga ato palo baraka.

"I kërkuan qeverisë, i kërkuan Bashkisë, i kërkuan policisë të reagojë, të mbrojë dhe japë zgjidhje për romët. Por, nuk ndodhi gjë. Ky është normalitet në këtë vend. E dini çfarë nuk është normale? Që asnjë politikan, asnjë deputet, asnjë këshilltar vendor nuk reagoi", theksoi Braçe.

Madje, madje nuk artikuloi asnjë fjalë për këtë çështje asnjë. Unë nuk e besoj përrallën se nuk kanë ndjeshmëri ndaj të drejtave të romëve e halleve të tyre. Gjetkë është arsyeja! Sali Berisha nuk mund ta ndalë Mihal Delijorgjin. Nuk ka pushtet ligjor e moral mbi të! Fare!".

KOMENTI I PLOTË I BRAÇES
"Ka një çështje rome të përsëritur në Tiranë. Si dhe herët e tjera: Bosët e betonit, bosët e ndërtimeve mbrojnë trojet, përzënë përdhunshëm romët nga ato palo baraka.
 
Pa dhënë asnjë zgjidhje për ta. Të paktën tri herë publikisht ka ndodhur kështu. Këtë herë ngjarja po ndodh brenda unazës së kryeqytetit. Bashkimi Evropian, OSBE, Amnesty International në mënyrë të përsëritur, disa herë brenda javësh kanë reaguar ashpër!
 
I kërkuan qeverisë, i kërkuan Bashkisë, i kërkuan policisë të reagojë, të mbrojë dhe japë zgjidhje për romët. Por, nuk ndodhi gjë. Ky është normalitet në këtë vend. E dini çfarë nuk është normale? Që asnjë politikan, asnjë deputet, asnjë këshilltar vendor nuk reagoi.
 
Madje, madje nuk artikuloi asnjë fjalë për këtë çështje asnjë. Unë nuk e besoj përrallën se nuk kanë ndjeshmëri ndaj të drejtave të romëve e halleve të tyre. Gjetkë është arsyeja! Sali Berisha nuk mund ta ndalë Mihal Delijorgjin. Nuk ka pushtet ligjor e moral mbi të! Fare!".

Redaksia Online
(mag/shqiptarja.com)

TAG:
• OSBE