TIRANË – Deputeti socialist Erion Braçe, vetëm pak minuta pas një komenti të ish-kryeministrit Berisha, i ka bërë një verifikim “rrufe” në Fb duke e “thumbuar” dhe natyrisht, duke i nxjerrë  pa kuptim, të dhënat e tij:

“Po lexoj se "deputeti i rradhës 2, karrigia 5", paska shkruar se me heqjen e fotos se Presidentit nga zyrat e shtetit, Qeveria shkeli nenin 106, pika 1 e Kushtetutës!”- shkruan Braçe.

““E hapa kushtetutën,"- rrëfen ai, - "dhe më rezulton: e para, nuk ka nen 106, pika 1 por ka vetëm nen 106;

e dyta, përmbajtja e nenit 106 është kjo:Kryeministri dhe ministrat janë të detyruar të qëndrojnë në detyrë deri në formimin e Këshillit të Ministrave pasardhës".

Pas këtij verifikimi të bërë me shpejtësi, Braçe duket se s’gjen më fjalë për të komentuar ish-kreun e Qeverisë, por e mbyll shënimin e tij me shprehjen: “Je bërë për të ardhur keq s.b!”

Redaksia online
(Shqiptarja.com)