'Braçe e denoncoi për heqjen e vulave të AKU tek ushqimet', PD: Socialistët e zgjodhën kryetar të Këshillit Bashkiak të Sarandës

Pas konstituuimit të Këshillit Bashkiak të Sarandës ku në krye u zgjodh Asaf Stroka, ka ardhur edhe një ragim nga Partia Demokratike ku deklaron se Stroka është denoncuar publikisht pesë ditë më parë nga zv/kryeministri Braçe.

Ish deputetja e PD Nada Meçorapaj shkruan se Braçe e denoncoi Strokan për heqjen e vulave të AKU tek ushqimet ndërsa PS e zgjodhi kryetar të Këshillit Bashkiak në Sarandë.

Ja çfarë shkruante Braçe më 1 gusht për këtë ngjarje: “Më datë 31 korrik, gjykatësi Elidon Papazisi ka hequr masën e bllokimit dhe përmbaruesi Asaf Troka, pa njoftuar zyrtarisht AKU-në ka qenë në punishte dhe ka hequr të gjitha vulat e bllokimit! A keni turp gjykatës e përmbarues bashkë?! Thoni në vendim duke e justifikuar atë se po mbroni interesin publik; jeni çmendur apo çfarë? Cili është interesi publik, të hash pula të skaduara? Apo të hash sallam prej tyre?”

Ndërsa Meçorapaj shkruan: "Zv/Kryeministri qe ka marre flamurin e mbrojtjes se interesit publik dhe po iu ‘jep derrmen’ gjithe kundravajtesve te vegjel e te medhenj, ka denoncuar para pak ditesh nje gjyqtar dhe nje permbarues nga Saranda. Sipas Braçes, permbaruesi, ka hequr vulat e bllokimit te mallrave te vendosur nga AKU per mallra ushqimore te skaduara apo me probleme te tjera. Permbaruesi qe ka ‘zemeruar’ Braçen quhet Asaf Stroka dhe sot, PS, partia e zv/Kryeministrit, e ka zgjedhur kryetar te Keshillit Bashkiak te Sarandes. Pra, e gjitha eshte SHOW".

TAG:
• PD
• aku
• Erion Braçe
• nada mecorapaj