Braçe: Ministria e Bujqësisë i
dha 20 ha tokë Balilit në 2016

Braçe: Ministria e Bujqësisë i<br />dha 20 ha tokë Balilit në 2016<br /><br>
Gjatë interpelancës me ministrin e Bujqësisë, deputeti socialist Erion Braçe, ka bërë publike kontrata të lidhura mes ministrisë së Bujqësisë dhe kompanive të familjes Balili në vitin 2016, kur ky dikaster drejtohej nga ministri i LSI, Edmond Panariti.

Qëllimi i politikës këtu e katër vite të shkuara ishte shumë i drejtë dhe do të sillte një përmirësim të rëndësishme në rast se do të ishte realizuar ashtu si ishte. POr si do ta shpjegoj edhe më poshtë qëllimi për të krijuar përmes kësaj politik ndërmarrje të mëdha bujqësore e blegtorale për të thithur mes tyre investime të mëdha në Buqësi, rritur produktivitetin,  punësimin në fshat mbi  të gjithas rezulton një qokë. Së pari në një qokë të rrezikshme kriminale, mbasi është nisur si partiake por për shkak të asgjensive ligjzbatuese vendase e të huaja nuk është më e tillë, është kriminale.

Unë nuk di të bëjë teatër Lulzim Basha. Unë nuk di të bëj teatër Monika Kryemadhi. Kjo është një kontratë e nënshkruar në 20/5/2016 midis Ministrisë së Bujqësisë dhe kompanisë Balili & Co SHPK, ku ministria vendos në dispozicion të kësaj kompanie 21. hektarë tokë bujqësore në Buronjë të Delvinës në dispozicion. Kompania administrohet nga Bashkim Balili,  një prej familjarëve të Kelmend Balilit dhe Klemend Balili nuk është aktor teatri. Kjo kontratë është lidhur kur partnerët tanë kanë shpallur në kërkim Klemend Balilin.

Kjo është një tradhti e rëndë ndaj policisë tonë. KJo kontratë e dytë është lidhur më 6.7/2017, vetëm 2 muaj pasi Balili u shpall në kërkim dhe të gjitha pronat e familjarëve të tij bastiseshin nga policia.

Këtu kam origjinën e kompanisë "AlB Universal SHPK", një kompani e themeluar nga Albin Bashkim Balili, djali i Bashkim Balilit, vëllai i Kelmend Balilit, pjesë e familjes Balili dhe kjo kontratë i jep pikërisht kompanisë ALB Universal sipërfaqen 90.4 hektarë në njësinë administrative Pisko, Bashkia Përmet, Qarku Gjirokastër. Edhe njëherë ky nuk është teatër. Kjo është një kontratë dhënë pikërisht për këta njerëz. Dhënë nga partia e tyre për këta njerëz në kohën kur ishin shpallur në kërkim. Unë nuk di të bëjë teatër, di të thjeshtë të lexoj fakte dhe faktet janë këto që po ju them.

Kjo kompani ose kjo kontratë është daravitur zoti ministër te një 21 vjeçar që merr nga ministria e Bujqësisë 90 hektarë tokë për ti mbjellë me shegë, arrë edhe me lajthi dhe nuk është zbatuar nga ajo ditë deri sot. Ajo që mua  më  dhemb në të gjithë këtë histori, historinë e parë që ka një përmasë të rrezikshme kriminale ka të bëjë me faktin se Prokuroria e Krimeve të Rënda ka vënë në sekuestro pasurinë e familjes Balili, këto kontrata nuk janë zgjidhur ende. Kjo është një qokë banale partiake.

Është shpërndarë tokë vetëm me qëllime partiake dhe elektorale. Po ta shikoni gjeografinë e 80 përqind të kontratave, janë lidhur në ato zona që janë konsideruar si zonat tonat, ku në Fier, Cërrik, Lushnjë, Fier, Pogradec e në zona të tjera të qëmtuara si me potencial të madh elektoral për partinë që i administronte.”,
është shprehur Braçe.


Sipas Braçes gjithashtu ministria ka firmosur edhe një tjetër kontratë me nipin e Kelment Balili më 6.7.2016. Kryetari i Komisionit të ekonomisë është shprehur nga foltorja e Kuvendit se 80% e kontratave të qirave të tokave janë qoka politike.

Braçja është shprehur se politika e kësaj qeverie kur ka ardhur në pushtet ishte të nxiste prodhimin bujqësor ndërsa shtoi se edhe në tokat të cilat janë në status prodhimi, arrihet të prodhojnë vetëm 30%. Sipas Braçes  edhe në zonat të cilat janë duke prodhuar, fermerët janë gati ti braktisin. 

Balla: Partia e Balilit të vijë dhe të japë llogari
Pas denoncimit nga Erion Braçe se Ministria e Bujqësisë i ka dhënë në 2016-ën 20 ta tokë familjarëve të Klement Balilit, i shpallur në kërkim ndërkombëtar për trafik droge, kreu i grupit parlamentar i PS, Taulant Balla kërkoi që LSI të ishte e pranishme në sallë. Ai kërkoi gjithashtu ndjekje penale për zyrtarët që kanë firmuar dhënien e tokave për Balilin. 

"I janë dhënë toka shtetërore një personi në kërkim, Klement Balilit. Opozita nuk mund të mungojë në këtë sallë. Është partia e Balilit, LSI dhe ata duhet të jenë këtu bashkë me opozitën tjetër. Të jenë dëshmitarë, sesi një zyrtar i ka dhënë toka shtetërore Klement Balilit dhe familjes së tij. Nxis Ministrinë e Bujqësisë për audit dhe kallëzime penale për zytarët që kanë shpërblyer me toka bujëqësore Klement Balilin dhe kriminelë të tjerë", u shpreh Balla. 

Redaksia Online
D.T/Shqiptarja.com

  • Sondazhi i ditës:

    Si do e drejtojë Kuvendin Elisa Spiropali krahasuar me Lindita Nikollën?



×

Lajmi i fundit

PD akuza se grabitën prona në Vuno, Rama: Baltë mbi familjen time, shihemi në gjyq! Duzina e trashëgimtarëve të pronave të stërgjyshit s’kanë marrë certifikatë

PD akuza se grabitën prona në Vuno, Rama: Baltë mbi familjen time, shihemi në gjyq! Duzina e trashëgimtarëve të pronave të stërgjyshit s’kanë marrë certifikatë